2 (# 8a). சூரபத்மனின் புறப்பாடு.
தாயின் அறிவுரை இனித்தது மிகவும்;
மாயை கூறியபடி வடதிசை சென்றனர்.
தம்பியுடையான் படைக்கு அஞ்சான்.
தம்பியர் இரு படைக்காவலர் ஆயினர்.
முன் நின்று நடத்தினான் படையை
முகம் சிங்கமாகிய முதல் இளவல்!
இறுதியில் நடந்து காவல் புரிந்தான்
உறுதியாக, யானைமுகன் தாரகாசுரன்.
நிலமும்,வானமும் அதிர நடந்தனர்;
நிலமகள் வருந்தித் துயர்மிக உற்றாள்.
தளர்ந்தான் பாரத்தால் ஆதி சேடன்.
தளர்ந்தனர் திக்கஜ, திக்பாலகர்கள்!
சூரபத்மன் வெம்படையின் நடுவில்
சூரியன் போல் ஜொலித்து வந்தான்!
சுக்கிராச்சாரியார் காண விழைந்தார்
சூரனை, அசுரப்படையின் தலைவனை !
உயிர்களை வசப்படுத்தும் மந்திரம் ஓதி,
உயர்ந்த வான்வழி அணுகினார் அவனை.
"உம்மைக் கண்டதும் உருகுகிறது உள்ளம்,
உம் மேல் அன்பு பெருகி வளருகிறது!
நீர் யார் என அறிய விரும்புகிறேன்!"
நீர்மையுடன் வினவினான் சூரபத்மன்.
"உன் குலகுரு சுக்கிராச்சாரியன் நான்!
உன் நன்மை விழைந்து வந்துள்ளேன்.
கடின வேள்விகள் நீ செய்யும் காலை
கொடிய பகைவர் செய்வர் இடையூறு!
சிவனின் இந்த மந்திரத்தை ஓதினால்
அவன் மனம் மிக மகிழ்ச்சி அடையும்."
காதில் ஓதினார் அரிய மந்திரத்தை;
கண நேரத்தில் மறைந்து போனார்!
வாழ்க வளமுடன், விசாலாக்ஷி ரமணி.
தாயின் அறிவுரை இனித்தது மிகவும்;
மாயை கூறியபடி வடதிசை சென்றனர்.
தம்பியுடையான் படைக்கு அஞ்சான்.
தம்பியர் இரு படைக்காவலர் ஆயினர்.
முன் நின்று நடத்தினான் படையை
முகம் சிங்கமாகிய முதல் இளவல்!
இறுதியில் நடந்து காவல் புரிந்தான்
உறுதியாக, யானைமுகன் தாரகாசுரன்.
நிலமும்,வானமும் அதிர நடந்தனர்;
நிலமகள் வருந்தித் துயர்மிக உற்றாள்.
தளர்ந்தான் பாரத்தால் ஆதி சேடன்.
தளர்ந்தனர் திக்கஜ, திக்பாலகர்கள்!
சூரபத்மன் வெம்படையின் நடுவில்
சூரியன் போல் ஜொலித்து வந்தான்!
சுக்கிராச்சாரியார் காண விழைந்தார்
சூரனை, அசுரப்படையின் தலைவனை !
உயிர்களை வசப்படுத்தும் மந்திரம் ஓதி,
உயர்ந்த வான்வழி அணுகினார் அவனை.
"உம்மைக் கண்டதும் உருகுகிறது உள்ளம்,
உம் மேல் அன்பு பெருகி வளருகிறது!
நீர் யார் என அறிய விரும்புகிறேன்!"
நீர்மையுடன் வினவினான் சூரபத்மன்.
"உன் குலகுரு சுக்கிராச்சாரியன் நான்!
உன் நன்மை விழைந்து வந்துள்ளேன்.
கடின வேள்விகள் நீ செய்யும் காலை
கொடிய பகைவர் செய்வர் இடையூறு!
சிவனின் இந்த மந்திரத்தை ஓதினால்
அவன் மனம் மிக மகிழ்ச்சி அடையும்."
காதில் ஓதினார் அரிய மந்திரத்தை;
கண நேரத்தில் மறைந்து போனார்!
வாழ்க வளமுடன், விசாலாக்ஷி ரமணி.
Last edited: