• Welcome to Tamil Brahmins forums.

    You are currently viewing our boards as a guest which gives you limited access to view most discussions and access our other features. By joining our Free Brahmin Community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

    If you have any problems with the registration process or your account login, please contact contact us.

என்னுடைய தமிழ்க் கவிதைகள்

Status
Not open for further replies.
Haridasa Siva said:
சூழ்நிலைக் கைதி


இந்த பூமிக்கு நான் வந்த போது
எதுவும் தெரியாமலிருந்தேன்.
தாயின் அரவணைப்பு...
அவள் மார்பில் பால்குடி...
கிலுகிலுப்பைச் சத்தம்...
சிறுது சிறிதாய் தெரியத் தொடங்கியது...
உடனே என்னைக்
குழந்தைகள் காப்பகத்தில் விட்டு விட்டனர்.

அழுகை... அவஸ்தை....
கொஞ்சம் கொஞ்சமாய்ப் பரிச்சயம்.
பிற குழந்தைகளுடன் கூடி
விளையாடி மகிழத் தொடங்கிய நேரம்
என்னைப் பள்ளிக்கு அனுப்பினர்.

கண்டிப்பு... கண்காணிப்பு...
மெல்ல என்னைத் தேற்றிக்கொண்டு
படிப்பில் கவனம் செலுத்தினேன்.
புது நண்பர்கள், புதுப் புரிவு.
நிலைபெறத் தொடங்கிய நேரம்
மேற்படிப்புக்கு அயல்நாடு அனுப்பினர்.

இனம் தெரியாது, கலாச்சாரம் புரியாது;
கலவரப்பட்டு, கஷ்டப்பட்டு
என்னைப் பழக்கிக் கொண்டேன்.
உடனே வேலை, திருமணம்...

மீண்டும் ஒரு சவால்.
மீண்டும் ஒரு மறுதலிப்பு.
மீண்டு வருவதற்குள்
எனக்கே ஒரு குழந்தை.

மழலையின் ஸ்பரிசத்தில்
மகிழ்ந்திருக்க முடியாமல்
பொருளாதாரச் சூழ்நிலை.

எனக்கு நடந்தவைகளை
என் பிள்ளைக்கு நடத்திக்காட்ட....
இப்போதோ
நான் முதியோர் காப்பகத்தில்!

எனக்கென்று வாழ்வு இல்லையா?
எனக்கென்று மனிதர் இல்லையா?
எப்போதுமே நான் சூழ்நிலைக் கைதியா?
Click to expand...
siva !
very nice . my son (his name also siva ramakrishnan )used say to his mother(i wanted to put as my wife &changed) that your anxiety never dies .first you said read well ,after prayed for job .then good job ,then foreign trip ,then marriage(good girl ) ,job for DIL,then grand child and you will repeat the cycle . where is the contented life ?
cheers ,
guruvayurappan
p.s. recently i started reading your kavithai and really moved . keep it up.
 
Haridasa Siva said:
Post no.57 & 58 gave me the impression that your doubt is cleared.

I do not think that the present day married women do not have the freedom to take care of their parents. In fact in many cases, the parents live with them. What you have described might be applicable to the previous generation.
Click to expand...
dear siva !
very good and frank answer
guruvayurappan
 
Haridasa Siva said:
பரமசிவம்



அன்பே சிவம்
ஆக்கலும் சிவம்
இகபர சுகம்
ஈவதும் சிவம்

உலகை யாள்வது சிவம்
ஊழ்வினை தீர்ப்பது சிவம்
எங்கும் எதிலும் சிவம்
ஏகன் அநேகன் சிவம்

ஐயம் தீர்க்கும் சிவம்
ஒப்பில்லா கடவுள் சிவம்
ஓதற்கு அரியவன் சிவம்
ஔஷதம் சிவம்
Click to expand...
akaha arumai
aanandam
ethu kku edu ilail
eevathu
un kavithai
ella karuthaiyum
ookam tharuvathu
enakum kavithai ezhutha
aagam tharuthu
iyago athumuttam mutiayavillai
oivu indri ozhaithalum
ooduvituvar en vari ketu
guruvayurappan
 
recently i started reading your kavithai and really moved . keep it up.
Click to expand...
குரு சார் வந்த பின், கலகலப்புக்குப் பஞ்சமே இல்லை!! :drum:
 
guruvayurappan said:
post 67
dear siva !
summa thakkiringa ponga !!
guruvayurappan
Click to expand...


Sir,

I guess you meant post 66. Nija lifela enakku love kiv ellam illa. kavithaila yaavathu romance pannalame?!
:lever:
Neenga threadkkulla pukunthu kalakku kalakkunu kalakkureenga sir. Your profile states you are retired. Your writings are very very young. Ungal ookkathirkkum aakkathirkkum en nandri.
 
yenda vanthan endru solammal irukkum varai magizhchi
Click to expand...
'யாராவது ரெண்டு நல்ல வார்த்தை சொல்ல மாட்டார்களா?'- ன்னுதானே கவிஞர்கள் காத்திருப்பார்கள்! :ranger:
 
Hello Siva sir,Iam really pleased to see your affinity,liking, of tamil language ,yet you emphasis the daily life in your style of poetic touch.hats off sir.being telugu as your mother tongue our presentation skills in tamil is wonderful . not to over stress our language.even our Maha kavi Bharathyar as stated SUNDRA TELUNGKINIL PATU EESAITHU.challa manchidani sir.( my telugu knowledge is very less ,kindly bear it sir.naaku telugu baga ralaedu sir. its during my dental studies i had more friends from AP,few from kerala,few from delhi.but its volatile, any language has to be read ,talk daily will yield good results.) once again good luck ,share your presentations with us.
 
DR.C.NARAYANI said:
Hello Siva sir,Iam really pleased to see your affinity,liking, of tamil language ,yet you emphasis the daily life in your style of poetic touch.hats off sir.being telugu as your mother tongue our presentation skills in tamil is wonderful . not to over stress our language.even our Maha kavi Bharathyar as stated SUNDRA TELUNGKINIL PATU EESAITHU.challa manchidani sir.( my telugu knowledge is very less ,kindly bear it sir.naaku telugu baga ralaedu sir. its during my dental studies i had more friends from AP,few from kerala,few from delhi.but its volatile, any language has to be read ,talk daily will yield good results.) once again good luck ,share your presentations with us.
Click to expand...

'கன்னித்' தமிழ் அல்லவா? ஈர்ப்பு இருக்கத்தானே செய்யும்? :wave:
 
இறைவா அருள்வாய்


பிறக்கும் வரையிருந்த
இருப்பு தெரியாது;
பிறப்பு வந்தபின்
இறப்பு உறுதியானது.

வாழும்போது மரணபயம்;
வாழ்க்கையில் பலபயம்;
வழுக்கிவிடுவோமோ என்று
வழக்கமாகிப் போனபயம்.

பிள்ளையாயிருந்த போது
பெற்றோரிடம் பயம்;
பரிச்சயமில்லாத போது
பார்ப்பவற்றிலேல்லாம் பயம்.

தனியாய்ச் சமூகத்தைச்
சமாளிப்பதில் பயம்;
தானாய் வேலைதேடி
சம்பாதிப்பதில் பயம்.

சம்பாதித்த பொருளைச்
சேமிப்பதில் பயம்;
செலவையும் களவையும் எண்ணி
செத்துமடியும் பயம்.

பெற்ற பிள்ளைகளைப்
பேணுவதில் பயம்;
பேதைமை அகற்றி
பெருமைகொள்ளச் செய்வதில் பயம்.

படுத்தும் நோவு பயம்
பலமில்லா மூப்பு பயம்;
பாவ சேர்ப்பு பயம்;
படைத்தவன் தீர்ப்பு பயம்.

பிணியான பயத்தைப்
போக்கிடு இறைவா!
பிறவிச்சுழல் நீக்கிப்
பேணிடு இறைவா!
 
I am reminded of two of my write-ups!!

Now that copy pasting form one thread to the other is a fashion,
I am also following that trait for quite sometime!! :high5:

பைகள்!

பொறுமையாய்க் கருப்பையுள் கிடந்துழன்ற பின்னர்,
வெறுமையாய்க் காற்றடைத்த பையாய்த் திரிந்தாலும்,

காலபைரவனை உருவாக்கியவனின் ஐந்தெழுத்தை,
காலத்தில் முக்தி பெற, பைய உணர்ந்து ஓதுவோம்!

இல்லத்தில் அன்பைப் பெருக்கி, ஆனந்திப்போம்!
உள்ளத்தில் பண்பைக் கூட்டி, நன்மை செய்வோம்!

சிறந்த நட்பைப் போற்றி, வேற்றுமைகள் மறப்போம்!
பிறந்த பயன் பெற, வெறுப்பை அறவே துறப்போம்!

:grouphug:
 

கவலையோ கவலை!

கவலை எனும் வலை வாழ்வில் உண்டு – ஆனால்
கவலை வலையிலேயே சிக்கி உழல்வதோ நன்று?

அறியாக் குழவிகளுக்கு முழு நேர ஆனந்தம் – விவரம்
தெரிய ஆரம்பித்ததும் கவலையும் கூடவே ஆரம்பம்!

குறும்பு செய்தால் பெற்றோர் அடிப்பாரெனக் கவலை;
அரும்பும் ஆர்வக் கேள்விகளால் திட்டு வாங்கும் கவலை!

சிறுவராய்ச் சேட்டைகள் செய்ய இயலாத கவலை;
பெரிய வகுப்பில் நுழைந்தால் மதிப்பெண் தரும் கவலை!

இடம் நல்ல கல்லூரியில் கிடைக்க வேண்டிக் கவலை;
தடம் மாறி வாழ்வு செல்லக் கூடாதே என்ற கவலை!

படிப்பு முடித்ததும், வெளிநாடு செல்லும் கவலை;
துடிப்பு மிக்க இளமையில் வேலை தேடும் கவலை!

காதலில் ஒரு வேளை மாட்டினால், திருமணமும்
காதல் புரிந்தவருடன் ஆக வேண்டுமெனக் கவலை!

மனம் விரும்பிய வாழ்வு கிடைக்க வேண்டிக் கவலை!
மணவாழ்வு தொடங்கிய பின்னர் வரும் வாரிசுக் கவலை;

வாரிசுகளுக்கு பள்ளியில் இடம் தேடும் கவலை;
பெரிசுகளாய் அவை மாறினால் கூடிடும் கவலை!

ஒருவழியாய் அவர்களுக்கும் நல்வாழ்வு அமைந்தால்,
வேறு வழியில் வந்து சேர்ந்திடும் வெவ்வேறு கவலை!

ஓடி ஓடி இளமையில் ஈட்டிய பெரும் பொருள்,
தேடித் தேடி வந்தடையும் உடல் நலக் குறைவால்,

நாடி கொஞ்சம் தளரும் வேளையில், அள்ளி அள்ளி
நாடி பிடிக்கும் வைத்தியருக்குக் கொடுக்கும் கவலை!

வேடிக்கையான உண்மை சம்பவம் ஒன்று அறிந்தேன்,
வாடிக்கையாகக் கவலை கொள்ளும் பேராசிரியர் பற்றி!

கவலைப்பட்டுப் புலம்பியே காலம் கழித்த அவரின் ஒரு நாள்
கவலையே, ‘கவலைப்பட ஒன்றுமே இல்லையே’ என்பதாம்!

மனக் கவலையைப் பின் எப்படித்தான் போக்குகிறது?
மனம் கவரும் வள்ளுவமே ஒரு வழியைக் கூறுகிறது!

தனக்குவமை இல்லாதான் தாள்சேர்ந்தார்க்கு அல்லால்
மனக்கவலை மாற்றல் அரிது! எத்துணை உண்மை இது!

தினமும் முழு நேரமும் கவலைப்பட்டே கழித்து விடாது,
தினமும் மாறாத பக்தியுடன் இறையை நன்கு தொழுது,

நடப்பவை எல்லாம் நன்மைக்கே என அற வழி நடந்தால்,
நடத்தலாம் நல்வாழ்வு, கவலை எனும் வலையில் வீழாது!


உலகம் உய்ய வேண்டும்,
ராஜி ராம்


 
சிவா சார்!

கவிதையில் 'குழவி'யைக் கவனித்தீர்களா? :baby:
 
Raji Ram said:
I am reminded of two of my write-ups!!

Now that copy pasting form one thread to the other is a fashion,
I am also following that trait for quite sometime!! :high5:

பைகள்!

பொறுமையாய்க் கருப்பையுள் கிடந்துழன்ற பின்னர்,
வெறுமையாய்க் காற்றடைத்த பையாய்த் திரிந்தாலும்,

காலபைரவனை உருவாக்கியவனின் ஐந்தெழுத்தை,
காலத்தில் முக்தி பெற, பைய உணர்ந்து ஓதுவோம்!

இல்லத்தில் அன்பைப் பெருக்கி, ஆனந்திப்போம்!
உள்ளத்தில் பண்பைக் கூட்டி, நன்மை செய்வோம்!

சிறந்த நட்பைப் போற்றி, வேற்றுமைகள் மறப்போம்!
பிறந்த பயன் பெற, வெறுப்பை அறவே துறப்போம்!

:grouphug:
Click to expand...
dear madam !
after loosing the கிடந்துழன்ற கருப்பை,it will not be problem to get rid of
வெறுப்பை &get அன்பை,பண்பை
oh !
i also made use of cut and paste
guruvayurappan
 
guruvayurappan said:
.........
after loosing the கிடந்துழன்ற கருப்பை,it will not be problem to get rid of வெறுப்பை &get அன்பை,பண்பை
oh !
i also made use of cut and paste .......
Click to expand...
Great, Sir! It is always good to keep leaning!! :)
 
வாழ்க்கைப் போக்கு



உணவு, உறக்கம் - சமயங்களில்
உணர்வுகளில் கலக்கம்;
உருப்படியா யோன்றுமின்றி - காலம்
உருண்டு போய்விடுமோ?

தொலைக்காட்சி நெடுந்தொடர்களிலேயே - வாழ்க்கை
தொலைந்து போய்விடுமோ?
பொருளாதார நிர்ப்பந்தங்களில் - தினமும்
போராடியே கழிந்திடுமோ?

பெற்றவர்களைப் பார்ப்பதுவும் - பெரும்
பேறென்று ஆகிவிடுமோ?
பிள்ளைகளுடன் சேர்ந்திருப்பது - இப்
பிறவியில் வாய்க்காதோ?

மின்னஞ்சலும் skype -ம் - பளீரென
மின்னும் புகைப்படமும்
மிடுக்கான கைப்பேசியும் - மட்டுமே
மிஞ்சி நிற்குமோ?

மனதின் தேடலுக்குத் திரையிட்டு - நிறம்
மாறிய கேசத்திற்கு சாயமிட்டு,
மழலை மகிழ்ச்சித் தடம்விட்டு - இன்று
மன்றாடும் நிலை தறிகெட்டு!

இறையிலும் நாட்டமின்றி - கை
இருப்பிலும் ஆர்வமின்றி
இன்றும் நேற்றுபோலிருந்து - இறுதியில்
இறந்துபோவதில் அர்த்தமில்லை!

இயற்கையை ரசிப்போம் - நம்மிடம்
இருப்பதை ருசிப்போம்;
ஈகை செய்வோம் - மனிதத்தை
ஈண்டிங்கு கொணர்வோம்!
 
Status
Not open for further replies.

Share this page

Share this page

Latest posts

Latest ads

Follow us on Social Media

Back
Top