Quotable Quotes Part II

[Visalakshi Ramani]

#05. யாவத்3 வித்தோ​

5. சுற்றத்தினர் சுயநலவாதிகள்.

யாவத்3 வித்தோ பார்ஜன சக்த:
தாவன் நிஜ பரிவாரோ ரக்த: |
பச்’சாஜ்ஜீவதி ஜர்ஜர தே3ஹே
வார்த்தாம் கோபின ப்ருச்சதி கே3ஹே ||

பணம் சம்பாதித்துத் தரும் வரையில் மனைவி, மக்கள் அன்புடன் பழகுவர். உடல் தளர்ந்தபின் அவன் வீட்டில் தங்கிவிட்டால், யாரும் அவனுடன் பேசக்கூட மாட்டார்கள். சுற்றத்தினர்களும் சுயநலவாதிகளே என்று உணர்வாய்.

 

[Visalakshi Ramani]

#06. யாவத் பவனோ​

6. உறவுகள் உயிர் உள்ளவரையில் தான்!

யாவத் பவனோ நிவஸதி தே3ஹே
தாவத் ப்ருச்சதி குச’லம் கே3ஹே |
க3தவதி வாயௌ தே3ஹாபாயே
பா4ர்யா பி3ப்4யதி தஸ்மின் காயே ||

உடலில் மூச்சுக் காற்றுள்ள வரையே வீட்டில் உள்ளவர்கள் உன் நலத்தை விசாரிப்பார்கள். பிராணன் பிரிந்துவிட்டால், நீ கூடிக் குலாவிய உன் மனைவிகூட உன் உடலைக் கண்டு அஞ்சுகின்றாள்.

 

[Visalakshi Ramani]

#07. பா3லஸ்தாவத்​

7. இறைவனை நினைப்பவர் எவர்?

பா3லஸ்தாவத் க்ரீடா3 ஸக்த:
தருணஸ் தாவத் தருணீ ஸக்த: |
வ்ருத்3த4ஸ் தாவத் சிந்தா ஸக்த:
பரே ப்ரஹ்மணி கோபி ந ஸக்த: ||

பாலப் பருவத்தில் விளையாடுவதிலேயே காலத்தைக் கழிக்கின்றான்.
யௌவனப் பருவத்தில் பெண்ணுடன் காலத்தைக் கழிக்கின்றான்.
வயோதிகனோ நோயிலும், மரண பயத்திலும் காலத்தைக் கழிக்கின்றான்.
எவருமே, எந்தப் பருவதிலுமே, இறைவனை நினைப்பது இல்லையே!

 

[Visalakshi Ramani]

#08. கா தே காந்தா​

8. நீ யார் என்று சிந்திப்பாய்!

கா தே காந்தா கஸ்தே புத்ர:
ஸம்ஸாரோயமதீவ விசித்ர: |
கஸ்ய த்வம் குத ஆயாத:
தத்வம் சிந்தய ததி3த3ம் ப்4ராத: ||

தம்பி! உன் மனைவி யார்? உன் மகன் யார்? நீ எவரைச் சேர்ந்தவன்? எங்கிருந்து இந்த விசித்திரமான சம்சாரத்திற்கு வந்து சேர்ந்தாய்? இந்த உண்மைகளைக் கொஞ்சம் சிந்தனை செய்!

 

[Visalakshi Ramani]

#09. ஸத்ஸங்க3த்வே​

9. நல்லவருடன் பழகு!

ஸத்ஸங்க3த்வே நிஸ்ஸங்க3த்வம்
நிஸ்ஸங்க3த்வே நிர்மோஹத்வம் |
நிர்மோஹத்வே நிச்’சல தத்வம்
நிச்’சல தத்வே ஜீவன் முக்தி: ||

சான்றோர் சகவாசம் ஏற்பட்டால் மனம் பற்றினை ஒழிக்கும். பற்று அழிந்தால் மன மயக்கங்கள் மறையும். மயக்கங்கள் மறைந்தால் நிலையான உண்மைப் பொருள் வெளிப்படும். நிலையான உண்மைப்பொருளை அறிந்தால் நீ ஜீவன் முக்தி அடைவாய்.

 

[Visalakshi Ramani]

#10. வயஸி க3தே​

10. ஆசைகளும் , செல்வமும் அழிந்து போய்விடும்.

வயஸி க3தே க: காமவிகார:
சு’ஷ்கே நீரே க: காஸார: |
க்ஷீணே வித்தே க: பரிவார:
ஜ்ஞாதே தத்வே கஸ் ஸம்ஸார: ||

வயது முதிர்ந்தபின் காம விகாரங்கள் ஏற்படாது.
நீர் வறண்டு போனால் நீர் நிலைகள் இரா.
செல்வம் குறைந்துவிட்டால் சுற்றத்தார் இரார்.
உண்மைத் தத்துவத்தை நீ அறியும்போது
உன் சம்சாரத்தளைகள் மறையும்.

 

[Visalakshi Ramani]

#11. மாகுரு த4ன ஜன​

# 11. நீயும் பிரம்மமாக ஆகிவிடு.

மாகுரு த4ன ஜன யௌவன க3ர்வம்
ஹரதி நிமேஷாத் காலஸ் ஸர்வம் |
மாயாமயமித3ம் அகி2லம் ஹித்வா
ப்3ரம்மபத3ம் தவம் ப்ரவிச’ விதி3த்வா ||

“நான் பணக்காரன்” ; “எனக்கு நிறைய சுற்றத்தினர் உள்ளனர்”;
“நான் யௌவனம் நிரம்பியவன்” என்றெல்லாம் கர்வம் கொள்ளாதே.
காலம் நினைத்தால் இவற்றை எல்லாம் ஒரே நிமிடத்தில் கொள்ளை அடித்துக் கொண்டுபோய் விடும். உலகமே பொய்க் காட்சி. பிரம்மம் மட்டுமே உண்மையானது
என்று அறிந்து நீயும் பிரம்மமாக ஆகிவிடு.

 

[Visalakshi Ramani]

#12. தி3னமபி ரஜனி​

# 12. காலத்தின் விளையாட்டு.

தி3னமபி ரஜனி ஸாயம் ப்ராத:
சி’சி’ர வசந்தௌ புனராயாத: |
கால: கிரீட3தி க3ச்சத்யாயு:
தத3பி ந முஞ்சத் யாசா’வாயு: ||

காலம் விளையாடுகின்றது. பகலாகவும், இரவாகவும், மாலையாகவும், காலையாகவும், குளிர் காலமாகவும், வசந்த காலமாகவும் மாறி மாறிக் காட்சி அளிக்கின்றது. காலத்தின் விளையாட்டில் ஒருவனது ஆயுளும் முடிந்து போகின்றது. இது அத்தனையும் அறிந்திருந்த போதிலும் ஆசை அகல்வதில்லை. மூச்சுக் காற்று நீங்கினாலும் ஆசைக் காற்று நீங்குவதில்லை.

 

[Visalakshi Ramani]

#13. கா தே காந்தா​

13 . ஆசைகளை ஒழி!

கா தே காந்தா த4னக3த சிந்தா
வாதுல கிம் தவ நாஸ்தி நியந்தா |
த்ரிஜக3தி ஸஜ்ஜன ஸங்க3தி ரேகா
ப4வதி ப4வார்ணவ தரணே நௌகா ||

முதுமையில் வாத நோயால் நடுங்கும் கிழவனே! நீ விழுந்து விடாமல் உன்னைத் தாங்கிப் பிடிப்பவர் யாருமே இல்லையா? உன்னுடைய மனைவி என்பவள் யார்? பணத்தின் மீது நீ கொண்டிருந்த ஆசை எத்தகையது? அந்தப் பணம் இப்போது உன் உதவிக்கு வருகின்றதா? நல்லவர்களின் சகவாசமே உன்னை இந்தப் பிறவிக் கடலிலிருந்து கரை ஏற்ற வல்ல ஓடம் என்பதைத் தெரிந்து கொள்வாய்.

 

[Visalakshi Ramani]

#14. ஜடிலோ முண்டி3​

#14. எல்லாமே வயிற்றை வளர்ப்பதற்கே!

ஜடிலோ முண்டி3லுஞ்சித கேச:
காஷாயாம்ப4ர ப3ஹு க்ருத வேஷ:|
பச்’யன்னபி ந பச்’யதி மூடோ
ஹ்யுத3ர நிமித்தம் ப3ஹுக்ருத வேஷ:||

ஒருவன் ஜடை தரித்து ரிஷியைப் போல வேஷம் போடுகின்றான்.
இன்னொருவன் மொட்டை அடித்துக் கொள்ளுகின்றான்.
மற்றொருவன் தலை முடியை முன்னும் பின்னும் கத்தரித்துக் கொள்ளுகின்றான்.
இன்னொருவன் காஷாயம் தரித்து கண்டவர்கள் மனத்தை மயங்கச் செய்கின்றான்.
இந்த மூடர்கள் கண்கள் இருந்த போதிலும் உலகம் மாயை என்று கண்டுகொள்வதில்லை.
இவர்கள் போடும் எல்லா வேஷங்களும் ஒரு ஜாண் வயிற்றை வளர்பதற்காகவே.

 

[Visalakshi Ramani]

#15. அங்க3ம் க3லிதம்​

15. ஆசை விடுவதே இல்லை.

அங்க3ம் க3லிதம் பலிதம் முண்ட3ம்
த3ச’ன விஹீனம் ஜாதம் துண்ட3ம் |
வ்ருத்3தோ4 யாதி க்ருஹீத்வா த3ண்ட3ம்
ததபி ந முஞ்சத் யாசா’ பிண்ட3ம் ||

உடல் தளர்ந்து விட்டது. தலைமுடி நரைத்துவிட்டது அல்லது மொட்டை ஆகி விட்டது.
பற்கள் உதிர்ந்து போய்விட்டன அல்லது உடைந்து போய்விட்டன.
தடியைப் பிடித்துக் கொண்டு நடமாடும் கிழவனையும் ஆசைகள் விட்டபாடு இல்லை.

‘மோஹ முத்கரம்’ (பஜ கோவிந்தம்)

அத்வைத மார்க்கத்தை நிலை நிறுத்தியவர் ஆதி சங்கரர். அவர் எழுதிய பல பக்தி ஸ்தோதிரங்களிலும் மிகவும் புகழ் வாய்ந்தது ‘மோஹ முத்கரம்’ ( மோஹத்தைத் தகர்க்கும் சம்மட்டி) என்ற பாடல்களின் தொகுதி. …

avinaasipaththu.wordpress.com

 

[Visalakshi Ramani]

#16. அக்3ரே வஹ்னி:​

#16. துன்பத்திலும் ஆசைகள் அழிவதில்லை.

அக்3ரே வஹ்னி: ப்ருஷ்டே பா4னு :
ராத்ரௌ சுபு3க ஸமர்பித ஜானு: |
கரதல பி4க்ஷஸ் தருதல வாஸ:
தத3பி ந முஞ்சத்யாசா’ பாச’ : ||

ஒருவன் தவம் செய்கின்றான். பகலில் எதிரில் நெருப்பு. பின்புறம் கொளுத்தும் சூரியன். இரவில் குளிர் தாங்கமுடியாமல் தான் முகவாய்க் கட்டையை தான் முழங்காலில் வைத்துக் கொள்ளுகின்றான். திருவோடும் இன்றி கைகளிலேயே பிச்சை வாங்குகின்றான். அப்படிப் பட்டவனையும் ஆசை என்கின்ற பாசக் கயிறு விடுவதே இல்லை.

 

[Visalakshi Ramani]

#17. குருதே க3ங்கா3​

17. ஞானம் இன்றேல் மோக்ஷம் இல்லை!

குருதே க3ங்கா3 ஸாக3ர க3மனம்
வ்ரத பரிபாலன மத்2வா தா3னம் |
ஞான விஹீன: ஸர்வ மதேன
முக்திம் ந ப4ஜதி ஜன்மச’தேன ||

கங்கையிலும், கடலிலும் நீராடுவதனாலும், பல விரதங்களைப் புரிவதாலும், அனேக தான தர்மங்கள் செய்வதாலும் மோக்ஷம் கிடைக்காது. ஞானம் அடைந்தவனுக்கே மோக்ஷம் கிடைக்கும். ஞானம் ஏற்படாவிட்டால் நூறு பிறவிகள் எடுத்தபோதும் முக்தி கிடைக்காது!

 

[Visalakshi Ramani]

#18. ஸுரமந்தி3ர தரு​

18. வைராக்யமே பரமசுகம்.

ஸுரமந்தி3ர தரு மூல நிவாஸ:
ச’ய்யா பூ4ஸ் தரு ஜனிதம் வாஸ: |
ஸர்வ பரிக்3ரஹ போ4க3 த்யாக3:
கஸ்ய ஸுகம் ந கரோதி விராக3: ||

கோவிலிலோ அல்லது மரத்தின் அடியிலோ வாசம்; தரையே படுக்கை;
மரப் பட்டைகளினால் செய்த உடை; தன்னுடைய எந்த உடமைப் பொருளையுமே அனுபவிக்காத வைராக்கியம்; இவை யாருக்குத் தான் சுகம் அளிக்காது?
பற்றற்ற நிலையே பரம சுகமானது.

 

[Visalakshi Ramani]

#19. யோக3ரதோ வா​

19. பிரம்மானந்தமே உண்மை ஆனந்தம்.

யோக3ரதோ வா போ4க3ரதோ வா
ஸங்க3ரதோ வா ஸங்க3விஹீன: |
யஸ்ய ப்3ரம்மணி ரமதே சித்தம்
நந்த3தி நந்த3தி நந்த3த்யேவ ||

உலக போகங்களைத் துறந்து யோகத்தில் ஈடுபட்டவனாகிலும் சரி;
உலக போகங்களை அனுபவிப்பவனாக இருந்தாலும் சரி;
மற்றவர்களுன் தொடர்பு உடையவனாக இருந்தாலும் சரி;
யாருடனும் தொடர்பு இல்லாதவனாகிலும் சரி;
எந்த நிலையிலும் பிரம்மத்தின் மீது மனதைச் செலுத்துபவனாக இருந்தால்,
அவன் முக்காலங்களிலும் தப்பாமல் ஆனந்தம் அடைகின்றான்.

 

[Visalakshi Ramani]

#20. ப4க3வத்3 கீ3தா​

20. யமதண்டனை இல்லை!

ப4க3வத்3 கீ3தா கிஞ்சித3தீ4தா
க3ங்கா3 ஜலலவ கணிகா பீதா |
ஸக்ருத3பி யேன முராரி ஸமர்ச்சா
க்ரியதே தஸ்ய யமேன ந சர்ச்சா ||

எந்த மனிதன் தான் வாழ்நாட்களில் பகவத் கீதை
என்ற புனித நூலைச் சிறிதேனும் கற்கின்றானோ,
எந்த மனிதன் கங்கையின் புனித நீரை ஒரு துளியேனும் அருந்தினானோ;
எந்த மனிதன் ஒரு முறையேனும் இறைவனுக்கு பூஜை செய்கின்றானோ
அவனிடம் யமன் வாக்குவாதம் செய்வதே இல்லை.
அவனுக்கு யம தண்டனையும் இல்லை.
அவன் முக்தி அடைகின்றான்.

 

[Visalakshi Ramani]

#21. புனரபி ஜனனம்​

21. இறைவனே! என்னைக் காப்பாற்று!

புனரபி ஜனனம் புனரபி மரணம்
புனரபி ஜனனி ஜட2ரே ச’யனம் |
இஹ ஸம்ஸாரே ப3ஹு து3ஸ்தாரே
க்ருபயாsபாரே பாஹி முராரே ||

மறுபடியும் பிறப்பு; மறுபடியும் இறப்பு; என்று மாறி மாறி வருகின்றன.
மீண்டும் மீண்டும் ஒரு தாயின் வயிற்றில் வாசம் செய்ய வேண்டிவருகிறது.
இப்படி முடிவே இல்லாத பிறப்பு, இறப்பு என்னும் சுழலில் சிக்கி உள்ளேன்.
கரை காணமுடியாத இந்த உலக வாழ்விலிருந்து கருணையுடன் நீ தான்
என்னைக் கரை சேர்க்க வேண்டும்.

 

[Visalakshi Ramani]

#22. ரத்2யா கர்ப்பட​

22. யோகியும் ஒரு பித்தனே!

ரத்2யா கர்ப்பட விரசித கந்த2:
புண்யாபுண்ய விவர்ஜித பந்த2: |
யோகி3 யோக3 நியோஜித சித்த:
ரமதே பா3லோன்மத்தவ தே3வ ||

ஆண்டவனிடம் மனத்தைச் செலுத்திய யோகி, தெருவில் கிடக்கும் கந்தல் துணியைக் கோவணமாக அணிந்து கொள்வான். அவன் செயல்கள் எல்லாம் புண்யமா, பாவமா, ஆசாரமா, அனாசாரமா என்று அறிய முடியாதபடி இருக்கும். ஒரு குழந்தையைப் போலவும், ஒரு உன்மத்தனைப் போலவும் அவன் தனக்குத் தானே மகிழ்ச்சி அடைவான்.

 

[Visalakshi Ramani]

#23. கஸ்த்வம் கோsஹம்​

23. ‘நான் யார்’ என்று யோசி!

கஸ்த்வம் கோsஹம் குத ஆயாத:
கா மே ஜனனி கோ மே தாத: |
இதி பரிபா4வய ஸர்வமஸாரம்
விச்’வம் த்யக்த்வா ஸ்வப்ன விசாரம் ||

” நீ யார்? நான் யார்? எங்கிருந்து நான் வந்தேன்? என் தாய் யார்? என் தந்தை யார்? இவை அனைத்தும் கனவைப் போன்ற மாயை அல்லவா?” இப்படியெல்லாம் சிந்தித்து இந்த உலகமே சாரமற்றது என்று உணருவாய்.

 

[Visalakshi Ramani]

#24. த்வயி மயி​

24. ஸர்வம் விஷ்ணு மயம்!

த்வயி மயி சான்யத்ரைகோ விஷ்ணு :
வ்யர்த்த2ம் குப்யஸி மய்யஸஹிஷ்ணு |
ஸர்வஸ்மின்அபி பச்’யாத்மானம்
ஸர்வத்ரோத்ஸ்ருஜ பே4த3ஜ்ஞானம் ||

உன்னிடமும், என்னிடமும், மற்றும் எல்லா இடங்களிலும் ஒரே விஷ்ணு தான் பரவி உள்ளான். என்னிடம் பொறாமை கொண்டு ஏன் நீ கோபம் கொள்கின்றாய்? எல்லாவற்றிலும் தன்னையே காண்பவனுக்கு ‘ நீ, நான்’ என்ற பிரித்துப் பார்க்கும் பேத ஞானம் அகன்று விடும்.