• Welcome to Tamil Brahmins forums.

    You are currently viewing our boards as a guest which gives you limited access to view most discussions and access our other features. By joining our Free Brahmin Community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

    If you have any problems with the registration process or your account login, please contact contact us.

ரமணி ஹைக்கூ

Status
Not open for further replies.

saidevo

Well-known member
ரமணி ஹைக்கூ
03/11/2015

1.
ஓவியக் கண்காட்சி
அகலும் விழிகள் நடுவே
கறுப்புக் கண்ணாடி

2.
அடைமழை அழிக்கதவு
ஓசையுடன் தாழ்ப்பாள் திறந்தார்
காற்றில் குழந்தையின் முகம்

3.
விண்வெளியில் பம்பரம்
சாட்டை எது? அப்பா ஆய்வு
மகன் கையில் பட்டம்

*****
 

saidevo

Well-known member
4.
தோட்டத்தின் இருளில்
குழந்தை கையில் கண்ணாடி
சிரித்தது குழந்தை நிலா

5.
திருவிழாக் கரகாட்டம்
பொய்க்கால் குதிரைமேல் உட்காரக்
குழந்தை பிடிவாதம்

*****
 

saidevo

Well-known member
6.
’கைலென்ன சொல்லு?’
குழந்தை முதுகின்பின் கைகள்
பார்த்தால் அந்துருண்டை!

7.
ஒலியற்ற இரவு
உள்முக சாதனை முயல்வில் நான்
சிள்வண்டின் அபஸ்வரம்

*****
 

saidevo

Well-known member
8.
அப்பா பெருச்சாளி!
திடுக்கிட்டு விளக்கைப் போட்டேன்
ஜன்னலில் ரசித்தே மகன்

04/11/2015
9.
மழைத்துளி மாவிலை நுனி
சின்னத் துளி வண்ணம் வான்வில்
சிறைப்பட்டது ஓர் மலை

*****
 

saidevo

Well-known member
05/11/2015
11.
அலையற்ற வானம்
இறகே துடுப்பாய் ஓர் படகு
நிலத்தில் கண். கழுகு!

12.
அடை மழை. பேய்க்காற்று.
மாலை. மின்வெட்டு. கம்பியில்
காக்கை இரண்டு தவம்.

*****
 

saidevo

Well-known member
06/11/2015
13.
நெகிழி மலர்க்கொத்து
மேசை மேலே குடுவையில்
பூவண்டு தேடும்

14.
சுட்டெரிக்கும் வெய்யில்
சுவரோரம் வண்டி ஓய்வு
காளை வாயில் நுரை

*****
 

saidevo

Well-known member
15.
கட்டாந்தரையில் கொக்கு
ஆழக் கொத்தி எடுப்பது எது?
எரிவாயு எண்ணெய்

08/11/2015
16.
எறும்புக்கு இட்டாள்
வாசல் அரிசி மாக்கோலம்
தின்றது காக்கை அணில்

*****
 

saidevo

Well-known member
17.
இருளில் ஒளிவெள்ளம்
சாலை மரங்கள் பெயர்த்தே
சுவரில் எரியும் கார்

18.
ஹெலிகாப்டர் தும்பி
வானில் பற்பல சாகசங்கள்
பூவில் அருந்துமோ தேன்?

*****
 

saidevo

Well-known member
19.
கை தொட்டால் நசியும்
சுற்றிலும் மணம் கமழ்ந்த பாம்பு
உயிரிலா ஊதுபத்தி

20.
தூபம் ஊதுபத்தி
தீபம் கற்பூரம் உற்சவம்
நாளும் வேண்டும் கொசு

*****
 

saidevo

Well-known member
21.
தங்கச் சிறு கூண்டு
மங்காத ஆசை பலவிதம்
பங்கப் படுமே கிளி.

22.
அண்ணாந்து பார்த்தேன்
கண்ணாடி விரிசல் ஆச்சு
விண்ணின்று மழைத்துளி

*****
 

saidevo

Well-known member
25.
காற்றடித்து விழுந்தன
எண்ணற்ற நட்சத்திரங்கள்
அட, வேப்பம்பூக்கள்!

26.
தோட்டத்தில் புதுமலர்
அடைமழை நீரில் மிதந்தாடும்
சாக்கடைநீர் சல்லடை

*****
 

saidevo

Well-known member
27.
தென்னை மட்டை மேல்
காக்கை மூக்கைத் தேய்க்கும் ஒலி
பதுங்கும் அணில் குஞ்சு

28.
ஜலதரங்கம் கூட்டும்
தனி ஆவர்த்தனக் கச்சேரி
குளியல் அறை சல்லடை

*****
 

saidevo

Well-known member
29.
வெய்யில் கல்தரை குடம்
தரையில் படும்துளி உடன்மறையும்
காக்கை மூக்கில் துளி

30.
சீனித் துகள் சுவைத்தே
காலை இழுக்கும் கட்டெறும்பு
பாலாடை வலையில்

*****
 

Vaagmi

Well-known member
ஜலதரங்கம் கூட்டும்
தனி ஆவர்த்தனக் கச்சேரி
குளியல் அறை சல்லடை

நல்ல கற்பனை. நான் அனுபவித்து ரசித்தேன். நன்றி.
 

saidevo

Well-known member
31.
நள்ளிரவு மௌனம்
டிக்டிக் ஒலிக்கும் கடிகாரம்
நாணயம் விழும் சப்தம்

32.
தொட்டியில் காலிக் குடம்
நீர் மொள்ளும் சொம்பு குபுக் குபுக்
குழந்தை கால் உன்னும்

*****
 

saidevo

Well-known member
33.
மழையில் சிறு கப்பல்
இழுத்துக் கரை சேர்த்தது குழந்தை
தப்பும் கட்டெறும்பு

34.
வீறிடும் குழந்தை ஒலி
செய்வது அறியாத் தாய் திகைத்தாள்
நாக்கில் மிளகாய் விதை

*****
 

Vaagmi

Well-known member
மிக்க நன்றி, வாக்மி அவர்களே.
ரமணி
Dear Sri saideo,
A suggestion. If you can add a ch before the word challadai the meaning will become more precise. Otherwise it may appear that the bathroom itself is being called challadai instead of the drain lid.

குளியலறைச்சல்லடை என்பது குலியலறையிலுள்ள சல்லடை என்று பொருளைத்தெளிவாக்குகிறது. அந்த ஒற்று மிகுந்து வந்து அந்தப்பொருளைத்தெளிவாக்குகிறது.

குளியலறை சல்லடை என்று வரும்போது குளியலறையே சல்லடையாகிறது.

நீங்கள் கூறவிரும்புவது குலியலறைச்சல்லடையின் ஜலதரங்க ஒலி இனிமையைத்தானே?

எனது புரிதலில் தவறு இருந்தால் மன்னிக்கவும்.
 
Last edited:

saidevo

Well-known member
28.
ஜலதரங்கம் கூட்டும்
தனி ஆவர்த்தனக் கச்சேரி
குளியல் அறைச் சல்லடை

இந்த நுணுக்கமான திருத்தத்திற்கு நன்றி, வாக்மி அவர்களே.
ரமணி
 

saidevo

Well-known member
35.
சீருடைச் சிறார் கலகல
ஆசையில் ஏங்கும் சிறுவன் முகம்
துருத்தியை இழுக்கும் கை

36.
அருவியாய் ஓடும் மழை
முள்மரம் முழுதும் வெண்மலர்கள்
காத்திருக்கும் கொக்குகள்

*****
 
Status
Not open for further replies.

Follow Tamil Brahmins on Social Media

Top