• Welcome to Tamil Brahmins forums.

    You are currently viewing our boards as a guest which gives you limited access to view most discussions and access our other features. By joining our Free Brahmin Community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

    If you have any problems with the registration process or your account login, please contact contact us.

பயணக் க(வி)தைகள்...

ஆம் நீண்டகாலத்திற்குப்பின் சந்திப்பு ! இடையில் சில புகைப்படங்கள் அனுப்பியதாக நினைக்கிறன்! :rolleyes:
 
கடல் கடந்த நான்காம் அனுபவம் - 36

பத்து அம்மாக்கள், தன் குழந்தையை ஜோடி சேர்த்து,
பத்து வேறு மொழிகளில், ஒவ்வொருவராய்ப் பாடினர்!

பதின்பருவப் பெண்கள் நால்வர், புது விதமாக, அந்தர்
பல்டியையும் இணைத்த ஒரு நடனத்தால் அசத்தினர்!

ஆறு வயதுச் சிறுவன், ஹனுமான் சாலீஸா முழுதும்,
அருமையாகப் பாடி, நீண்ட கரகோஷமும் பெற்றான்!

தன் இந்தியப் பயணத்தை, சின்னத் திரைப்படம்போல
தந்து, நெஞ்சம் மகிழ வைத்தான் இன்னொரு சிறுவன்.

இரண்டு வயதைச் சில மாதங்களுக்கு முன் தாண்டிய
வாண்டு, மேடையில் அழைக்காமலே ஏறி, நடனமாட,

குழுமியிருந்த அனைவரும் கை தட்ட ஆரம்பிக்க, அக்
குழந்தை, தன் பிஞ்சுக் கைகளை ஆட்டியது, நன்றி கூற!

Potluck விருந்து ஆரம்பித்தது, நிகழ்ச்சிகள் முடிந்த பின்.
பெற்றோர் ஒவ்வொருவரும், ஒரு விதப் பதார்த்தத்தை,

வீட்டிலேயே தயாரித்துக் கொண்டு வருவார்; அவற்றை
விருந்தினர் அனைவரும், கூடி உண்பதே Potluck விருந்து.

பல் சுவை நிகழ்ச்சி, கண்களை, செவிகளை நிறைத்திட,
பல் சுவை விருந்தால், வயிறும் குளிர்ந்தது நிஜம்தான்!

இந்த இனிய மாலை நேரத்திற்குப் பின், சில நாட்களில்,
வந்தது, எங்களது மெர்டில் பீச் பயணத்தின் அதி காலை!

தொடரும் .......................... :plane:

குறிப்பு: 'பதின்பருவம்' - இது அழகிய தமிழ்ச் சொல். :love:
இனி, 'டீன் ஏஜ்' என்று எழுதத் தேவையில்லை!! :peace:
 
கடல் கடந்த நான்காம் அனுபவம் - 37

அதிகச் செலவு இல்லாத விமானப் பயணம் என்றால்,
அதிகாலை நேரத்திலே பயணம் செய்திட வேண்டும்!

மூன்று மணிக்கு எழுந்து, சூடான காஃபி அருந்தி, நீராடி,
அன்று மகனுடன் புறப்பட்டோம் விமான நிலயத்திற்கு.

சப்பாத்தி ரோல்கள் செய்து, பெண்ணரசி தந்திருந்தாள்.
இப்போது விமானங்களில் ஓஸி சாப்பாடு கிடையாதே!

நான்கு மணிக்கே விமான நிலையம் நிரம்பி வழிந்தது;
நாங்களும், இருந்த ஒரே க்யூவிலே சங்கமம் ஆனோம்!

ஜனங்கள் மெல்ல நகர்ந்து செல்ல, சில நிமிடங்களிலே
நாங்கள் அடைந்தோம், அங்கிருந்த செக்கிங் கவுன்டரை!

இரு டிக்கட்களையும், இரு பாஸ்போர்ட்களையும் - அங்கு
இருந்த பச்சைக்கண் அதிகாரியிடம் என்னவர் கொடுக்க,

இந்தியப் பெயர்களில் கொஞ்சமும் பரிச்சயம் இல்லாது,
சிந்தித்துச் செயலாற்ற, எழுத்துக் கூட்டிப் படித்த பின்னர்,

''உங்களால் பயணம் செய்ய முடியாது! வருந்துகின்றேன்!
உங்களது பெயர், டிக்கட், பாஸ்போர்ட்களில், வெவ்வேறு!

இந்த 'ரஜே'யின் இரண்டாம் பெயர் 'கோபால்' என்பதற்கு
எந்த ஆவணமேனும் இருக்கிறதா?'', என்று அவர் வினவ,

ராம் தானே ரஜேக்கு கணவர்? இது என்ன குழப்பம் - என,
ராம் ஆகிய என்னவருடன், ரஜேயாகிய நான் பயந்தேன்!!

:fear:

தொடரும் ........................
 
கடல் கடந்த நான்காம் அனுபவம் - 38

அட்ரினலின் சுரப்பி தனது வேலையை ஆரம்பிக்க,
சட்டென இதயத் துடிப்பு அதிகரிக்க, கண்கள் விரிய,

மனக் கோட்டையாய்க் கட்டியிருந்த பீச் வீடு ஆசை,
கண நேரத்தில் பொடிப் பொடியாகி, கீழே விழுந்திட,

அதிர்ந்து நான் செயலற்று நின்ற பொழுது, என்னவர்
அதிகாரி எதை ஆராய்கின்றார் என்று நோக்கி, அவர்

என் டிக்கட்டுடன் ஒப்பிட்டுப் பார்த்தவாறு இருப்பது,
என்னவரின் பாஸ்போர்ட் என்று துப்பறிந்தார்! அட!

இந்தியப் பெயரின் எழுத்துக்களை அறிய இயலாது;
இந்திய ஆண், பெண் முக வேறுபாடும் தெரியாதோ?

என்னவரின் இரண்டாம் பெயரை எளிதாகப் படித்து,
என்னுடைய டிக்கட்டில் அதைத் தேடுகிறார், அவர்!

அந்தப் பச்சைக் கண்ணுக்கு நன்றாக விளங்கும்படி,
'இந்த டிக்கட் என் மனைவியுடையது; இது அவளது

பாஸ்போர்ட்', என உரைத்து, மெதுவாக என்னுடைய
பாஸ்போர்ட்டை, டிக்கட்டின் மேல் எடுத்து வைக்க,

ஒவ்வொரு எழுத்தாகப் பச்சைக் கண்களால் பார்த்து,
ஒருவாறு சமாதானம் ஆகி, 'நீங்கள் போகலாம்!', என

எல்லா ஆவணங்களையும் எங்களிடம் தள்ளியதும்,
எல்லாம் வல்ல சக்தி கணபதிக்கு நன்றி கூறினேன்!

தொடரும் ............................... :plane:

 
கடல் கடந்த நான்காம் அனுபவம் - 39

ஹிட்ச்காக் படம் பார்த்து வெளியில் வரும் சமயம்,
இருப்பது போன்ற மன நிலை; ஆனாலும் சந்தோஷம்!

பெரிய பெட்டிகள் என்றுமே பிடிக்காத விஷயம்; எமது
சிறிய பைகளை மேலே வைத்து, இருக்கையில் அமர,

சில நிமிடங்களிலேயே விமானம் மேலே எழும்பியது.
சின்ன மேகங்களைக் கடந்து, நீல நிற வானை எட்டியது!

இரு மணி நேரப் பயணம். சிக்கென்று உடையில், மங்கை,
ஒரு குட்டித் தண்ணீர் பாட்டிலும், உப்பு தூக்கலாக உள்ள

Pretzel பாக்கெட்டும், இன் முகத்துடன் தந்தாள்! அதனைப்
பிரியத்துடன் உண்ணுவது எனக்குக் கடினமான விஷயம்!

பெண்ணரசி தந்த காலை உணவால் பசியாறினோம்; பின்,
என்னவரின் தங்கையை எதிர்பார்த்தோம், ஏர் போர்ட்டில்.

செல்ல மகன் தந்திருந்தான் ஓர் அலை பேசி; அதுதானே
செல்லும் இடமெல்லாம், தொடர்புக்கு உதவுகிற சாதனம்!

தன் கணவருடன் தங்கை வந்தாள்; அழைத்துச் சென்றாள்
தன் அழகிய பீச் இல்லத்திற்கு; வாசலில் நான் கண்டேன்

வெள்ளை நிற Golf Cart; வாடகைக்குக் கிடைக்குமாம்; அது
வெளியில் செல்லும் குட்டிப் பயணத்திற்கு உபயோகிக்க!

'மன்னி! நீங்களும் ஈஸியாக ஓட்டலாம்!', என்று உரைத்து,
வண்டி ஓட்ட விழையும் எனது ஆசையைத் தூண்டினாள்!

தொடரும் .....................
 
Pretzel. Courtesy: Google images.

images
 
கடல் கடந்த நான்காம் அனுபவம் - 40

மரப் பலகைகளைச் செங்குத்தாக வைத்து அமைத்த
மதில் சுவர்; ஒரு ஹால்; மூன்று நல்ல பெட் ரூம்கள்.

அவை ஒவ்வொன்றோடு இணைந்த குளியல் அறை.
சமைக்க வசதியாகச் சமையல் அறை; டிஷ் வாஷர்!

சாப்பாட்டு மேஜையைச் சுற்றி அமர, நாற்காலிகள்.
சாய்ந்து படுத்துக்கொள்ள, தோட்டத்தில் hammock!

விடுமுறை நாட்களில், குட்டி சுவர்க்கம்தான் அது!
சடுதியில் நீராடி, சிற்றுண்டி உண்டு புறப்பட்டோம்.

என்னவரின் பெரியம்மாவின் மகன், மனைவியுடன்
அன்று வந்திருக்க, நாங்கள் அறுவர் ஆகிவிட்டோம்!

சிற்பத் தோட்டம் அங்கு சிறப்பு வாய்ந்ததெனக் கூற,
அற்புதமான அதைக் காண அறுவரும் விழைந்தோம்!

மிகப் பெரிய தோட்டம்: பல்வேறு சிற்பங்கள் அருமை;
மிகவும் நல்ல பராமரிப்பு; மரங்களின் நிழல் குளுமை!

மிருகங்களும், அவற்றின் சில சண்டைக் காட்சிகளும்,
பறவைகளும், புராண கால மக்களும், உலோகத்திலும்,

கல்லிலும் மிகவும் தத்ரூபமாகச் செதுக்கப்பட்டிருக்க,
வெண் சிற்பமான சாம்ஸனும், சிங்கமும் மயக்கியது!

வட்ட வடிவில் நீரூற்றும், அதை சுற்றிப் பல பூக்களும்;
நட்ட நடுவில், வில்லேந்திய வீரனின் வெண் சிற்பம்!

தொடரும் .......................
 
கடல் கடந்த நான்காம் அனுபவம் - 41

ஒரு டிக்கட் எடுத்தால், ஒரு வாரம் செல்லுபடியாகும்;
ஒரு நாள் போதாது, முழுத் தோட்டத்தையும் பார்த்திட!

பின் என்னவாம்? Brookgreen Gardens என்ற அதன் அளவு,
ஒன்பதாயிரத்து நூறு ஏக்கர் ஆகும்! மிக பிரம்மாண்டம்.

நூறு ஆண்டு
கள் பழமையான மிகப் பெரிய மரங்கள்; பல்-
வேறு வகைகளில், அழகிய வண்ணங்களில் மலர்கள்.

ஆமைகளின் முதுகில், தன் பொருட்களைக் கடத்தும்,
ஆச்சரியமான இளம் பெண்ணின் சிலை கண்டவுடன்,

அவளிடம் நின்று, புகைப்படம் க்ளிக்கிக்கொண்டேன்;
அவளின் ஐடியாவை நினைத்து, நினைத்து, ரசித்தேன்!

கால் ஓய நடந்த பின், ஜடாக்னி வேலையைத் துவங்க,
காத்திருந்தோம் ஓர் உணவக வாயிலிலே, எங்களுக்கு

வேண்டிய சிற்றுண்டிகளை ஆர்டர் செய்த பின்; வெயில்,
வேறுபாடின்றி அனைவரையும் சமமாகச் சுட்டெரித்தது!

சிங்காரச் சென்னையில் சூடு இருந்தாலும், என்னவோ
இங்கு வறுப்பது போன்று வறுத்து எடுப்பது கிடையாது!

ஓஸோன் படலத்தில், இங்கு, நம் தேசத்தை விட, அதிக
ஓட்டைகள் இருக்குமோ என, சந்தேகம் எழுந்தது நிஜமே!

பசியாறியதும், இனிய இல்லம் அடைந்து, ஓய்வெடுத்து,
ருசியான காஃபி குடிக்க, Golf Cart ல் ஏறிப் பயணித்தோம்!

தொடரும் ..........................
 
ஆமைகளின் முதுகில், தன் பொருட்களைக் கடத்தும்,
ஆச்சரியமான இளம் பெண்ணின் சிலை....

Courtesy: Google images.


Brookgreen+Gardens_0249_watermark.jpg
 
நூறு ஆண்டுகள் பழமையான மிகப் பெரிய மரங்கள்.

Courtesy: Google images

brookgreen-gardens.jpg
 
கடல் கடந்த நான்காம் அனுபவம் - 42

ஒரு சிறுவனும் ஓட்ட முடியும் அந்த கால்ஃப் கார்ட்டை;
இருவர் முன்னாலும், மூவர் பின்னாலும் உட்காரலாம்!

இரு கியர்கள் மட்டும், முன்னாலும், பின்னாலும் செல்ல;
ஒரு பெடல் ஓட்டுவதற்கு; ஒரு பெடல் நிறுத்துவதற்கு.

ஐந்து நிமிட ஓட்டத்தில், ஓர் உணவகத்தை அடைந்தோம்.
சென்று அமர்ந்தோம், வட்ட வடிவ மேஜையினைச் சுற்றி.

பல வகைக் காஃபிக்கள் பரிமாறும் அந்த உணவகத்தில்,
பல வகைச் சிற்றுண்டிகளும், கண்ணாடிப் பெட்டிகளில்!

மதியம் மூன்று மணிக்கு மேல், விலையிலே தள்ளுபடி;
எதையும் வாங்கலாம், அரை விலை மட்டுமே கொடுத்து!

என்னவரின் தங்கை சென்று, 'அமெழிக்க' ஆங்கிலத்தில்,
எங்கள் அனைவருக்கும் ஆர்டர் செய்து வந்தாள். அழகிய

பெண் ஒருத்தி, புன்னகை முகத்துடன், பெரிய டிரேயில்,
கொண்டு வந்து தந்தாள், எல்லாப் பதார்த்தங்களையும்!

தினமும் பிரட்கள் புதிதாகச் செய்யப்படுவதால், தங்கை,
தினமும் காலை உணவுக்கு அதையும் வாங்கிவிட்டாள்!

காஃபியால் தெம்பாகி, அருகிலுள்ள கடற்கரை நோக்கி,
கால்ஃப் கார்ட் நகர, சுத்தமான கடற்கரை காட்சி தந்தது!

மிகவும் சன்னமான மணல்; வெண்மை கலந்த வண்ணம்;
மிகவும் ஆவலுடன், அலைகளில் அளையச் சென்றோம்!

தொடரும் ...........................
 
கடல் கடந்த நான்காம் அனுபவம் - 43

சிங்காரச் சென்னைக் கடற்கரையையுடன் ஒப்பிட்டால்,
சின்னதாக உள்ளது மணற் பரப்பின் அகலம்! ஆனாலும்,

அந்த வெண்மை நிறமும், சுத்தமும், ஆக்ரோஷமில்லாத
அந்த அலைகளும் கண்டால், சிடுமூஞ்சி கூடச் சிரிக்கும்!

நடப்பதற்கு மிகச் சுகம் அந்த ஈர மணல்; கால் புதையாது
நடக்கலாம் நீண்ட தூரம்! ஆண்கள் இருவர் நடந்தனர், எம்

கண்களுக்கு எட்டாத தூரம்; அது இரண்டு மைல் என்றனர்.
பெண்கள் நடந்தோம் நடை பாதையிலே, சில நிமிடங்கள்.

அங்கங்கே சிமென்ட் பெஞ்சுகள், வசதியாய் ஓய்வெடுக்க;
அங்கு வரும் பலரும் அணிவது வெறும் நீச்சல் உடையே!

கடலில் நீராடி, அலைகளில் விளையாடி மகிழ்ந்த பின்பு,
உடலில் ஒரு துண்டைப் போர்த்தி, வீடு திரும்புகின்றார்!

எத்தனை விதமான அடுக்கு வீடுகள்! அதன் வாடகையில்
எத்தனை வேறுபாடு! சிலருக்கு வாடகை ஒரு வருமானம்!

நல்ல வசதியான அபார்ட்மென்ட் வாங்கி வைத்தால், மிக
நல்ல வாடகை வந்திடுமாம்! இது ஓர் இன்வெஸ்ட்மென்ட்!

மாலைப் பொழுதை நன்கு கழித்து, இல்லம் வந்து, மறுநாள்
காலை, மீண்டும் நடைப் பயிற்சிக்கு வர முடிவு செய்தோம்.

தங்கை, 'ஸ்கை வீலில் போக ஆசையா?' எனக் கேட்டதும்,
பொங்கும் ஆவலுடன் உடனே துள்ளிக் குதித்தேன், நான்!
தொடரும் .......................
cheer2.gif
 
கடல் கடந்த நான்காம் அனுபவம் - 44

மாலை வேளை; மிக்க ஆவலுடன் புறப்பட்டேன், அந்த
மாபெரும் சக்கரத்தில் அமர்ந்து, காட்சிகளை ரசித்திட!

தரையிலிருந்து இருநூறு அடிகள் மேலே சென்று, கடற்-
கரையின் அழகை, பறவைக் கண் பார்வையால் கண்டு,

கடலின் பல் வேறு வித நீல வண்ணங்களையும் ரசித்து,
கடலில் விளையாடுவோர், லில்லிபுட் மனிதர்களாகத்

தெரிவதையும் கண்டு வரலாம், ஸ்கை வீலில் சென்று!
தெளிவாகக் கேட்டு அறிந்தேன் அதன் வேகத்தை; அது

அதி வேக ராட்சத ஃபெர்ரிஸ் சக்கரம் போல அல்லாது,
மித வேகத்தில்தான் சுற்றி வரும்; அதுதானே தேவை!

நாற்பத்தி இரண்டு ஒளி ஊடுருவும் பெட்டிகள்; ஒன்றில்
ஆறு பேர்கள் வரையில் அமரலாம், எதிரும் புதிருமாக.

புன்னகை மாறா வதனனான இளைஞன் ஒருவன் வந்து,
எங்களை அமரவைத்தான், பணிவுடன் கதவைத் திறந்து!

அன்னியர்களுடன் உட்காரத் தேவையில்லை; அதனால்,
என்னவருடன், அவரின் தங்கையும், நானும் பெட்டியில்!

அடுத்தடுத்த பெட்டிகளில் ஆட்கள் ஏறும்போது, நின்றது;
கொடுத்தது சில நொடிகளைப் புகைப்படம் எடுப்பதற்கு!

எல்லாப் பெட்டிகளும் நிறையும் வரைதான் இப்படி! பின்,
மெல்லச் சுழல ஆரம்பித்தது, ஒரே நிதான வேகத்திலே!

தொடரும் .........................

 
கடல் கடந்த நான்காம் அனுபவம் - 45

மெல்ல மெல்ல அந்தப் பெட்டிகள் சுழன்ற சமயத்தில்,
மெல்ல மெல்லக் கடற்கரையின் விஸ்தீரணம் தெரிய,


ஆவலுடன் ரசித்தேன், விரியும் காட்சிகளை; அவற்றை
ஆவலுடன் பதித்தேன் காமிரவில், புகைப்படங்களாக!

மெதுவான சுழற்சியால், எட்டிய உயரம் தெரியவில்லை!
பொதுவாக வந்துவிடும் பய உணர்வும் இருக்கவில்லை!

கடலுக்குள் மரத்தால் நிர்மாணித்த நீண்ட நடைமேடை;
கடலிலுள்ள மீன்களைச் சிலர் ஆர்வமாகப் பிடித்தனர்!

அங்கும் செல்ல விழைந்தேன். ஸ்கை வீல் நின்றவுடன்,
எங்கள் கதவைத் திறந்திட நின்றான், புன்னகை மன்னன்!

நன்றி அவனுக்கு உரைத்து, வேகமாக நடை போட்டோம்,
நீண்ட அந்த நடை மேடையை நோக்கி! உள்ளே செல்ல,

ஓர் அறையைக் கடந்திட வேண்டும்; நினைவுப் பரிசுகள்,
பொருட்காட்சியைப் போல அங்கே நிறைந்து கிடந்தன.

யானை விலை, குதிரை விலை என்ன என்பதை, அங்கு,
யாரும் எளிதிலே புரிந்து கொள்ளலாம்; அப்படி விலை!

கடல் அலைகள், நடை மேடையின் அடியில் ஆர்ப்பரித்து,
உடல் மீது நீர்த்திவலைகளை ஓயாது அள்ளித் தெளித்தன.

மீன் பிடி வீரர்கள் சிலர், வேட்டையில் இறங்கியிருந்தனர்;
தன் வாயைத் தலைகீழ் 'u' போல் சுழித்தான், ஒரு சிறுவன்!

தொடரும் .....................
 
கடலுக்குள் மரத்தால் நிர்மாணித்த நீண்ட நடைமேடை

Courtesy: Google images


original_18592ndPier.jpg
 
கடல் கடந்த நான்காம் அனுபவம் - 46

விரக்தியின் உச்சத்தில் இருந்தான் அச் சிறுவன்; மீன்
விழாதோ தன் தூண்டிலில் எனக் கவலை கொண்டான்!


மெல்ல அவனருகில் சென்று புன்னகைத்ததும், அவன்
மெல்லச் சிரித்தான்; ஆனால் கண்களில் ஒரு சோகம்!

ஒரு நிமிடத்தில் காரணம் புரிந்தது; அவன் அருகிலுள்ள
ஒரு பெரியவர், தனது தூண்டிலால் மீன்களைப் பிடிக்க,

மீன்களால் அவர் பெட்டி நிறைந்திருக்க, இவனுடையது
இன்னும் காலியே! மீன்கள் சிக்கிட வாழ்த்தி, அவனிடம்

விடை பெற்று, கடலின் அழகை ரசித்த பின், காரில் ஏறி,
அடைந்தோம் இனிய இல்லம். அலைபேசியிலே செய்தி!

மறு நாள் தங்கையின் மகன், தன் எட்டு வயது மகனுடன்
வருவானாம்! தங்கையின் முகம் மலர்ந்தது, செய்தியால்!

சிறுவனுக்கு மிகவும் விருப்பம், ரேஸ் கார் ஓட்டுவதற்கு!
அது நிறைவேற ஓர் இடம் இருக்கின்றது, மெர்டில் பீச்சில்.

என்னையும் அங்கு அழைத்துச் செல்லுகின்றேன் என்றாள்
என்னவரின் தங்கை; 'கரும்பு தின்னக் கூலியா', என்றேன்!

ஓடி வந்து பாட்டியை அணைத்தான், மறு நாள் வந்தவுடன்!
டாடியிடம்தான் அதிகம் ஒட்டிக்கொள்வானாம். அவனது

தந்த நிறம், அவனின் அமெரிக்கத் தாய் தந்த நிறம்! சுட்டி!
தன் அறைக்குச் சென்று, விடியோ கேமை ஆரம்பித்தான்!

தொடரும் .................
 
கடல் கடந்த நான்காம் அனுபவம் - 47

என்னை அழைத்தான் அவனுடன் சேர்ந்து விளையாட;
என்னால் அந்த கேமை ரசிக்கவே முடியவில்லை! பல


பூக்களும், செடிகளும், துப்பாக்கிகளை ஏந்திக்கொண்டு,
பூகம்பம் போல குண்டுகளைப் பொழிந்து, அழிக்கின்றன!

பூவுக்குள் பூகம்பம் என்று சொல்லிச் சிரித்தேன்; ஆனால்
ஏதும் விளங்காத அவன் 'திரு திரு'- வானான்! ரசித்தேன்!

மறு நாள் ரேஸ் கார் ஓட்ட விழைந்தான்; விளையாட்டு
நிறுத்தப்பட்டது; உணவை ரசித்து உண்டு, உறங்கினான்.

அந்த ரேஸ் ஓட்டுகிற இடத்தை அடைந்தோம், மறு நாள்.
வந்த உற்சாகத்தால், குதித்தான்; அகம் மிக மகிழ்ந்தான்.

முப்பத்தியிரண்டு வட்டங்கள் செல்ல டிக்கட் எடுத்தான்;
அப்பாவுக்கு நான்கு வட்டங்களை மட்டுமே கொடுத்தான்!

குறைந்தது நாற்பது அங்குலம் உயரம் இருக்கவேண்டும்
குழந்தைகள்; அதற்குக் கீழுள்ளவர் பார்வையாளர்களே!

வெவ்வேறு உயரப் பிரிவிற்கு, வெவ்வேறு பாதைகளும்,
வெவ்வேறு வடிவினில் கார்களும் கொடுக்கின்றார்கள்.

ஒவ்வொரு வண்டியாக, பச்சைக் கொடியினை அசைத்து
ஒருவன் அனுப்புவதால், விபத்து நிகழ வாய்ப்பு இல்லை!

உற்சாகமாய் அத்தனை ரவுண்டுகளையும் முடித்து - அதே
உற்சாகத்துடன் நுழைந்தான், விடியோ கேம் ஹாலுக்குள்!

தொடரும் .....................
 
​Courtesy: Google images

KidsTrack-1.png


Must be 54” to drive Speed Kart, 48” to drive Jr. Kart and 60” to drive Family Kart/40”-47”

to be a passenger in Family Kart.
 
Last edited:

Latest ads

Back
Top