5.2.2. எதுகை வகைகள்
எதுகை குறிக்க எட்டு வகைகள்.
அடியெதுகை, இணையெதுகை, பொழிப்பெதுகை, ஒரூஉவெதுகை,
கூழையெதுகை, மேற்கதுவாய், கீழ்க்கதுவாய், முற்றெதுகை,
என்று வகைகள் எட்டில் வருமே எதுகை.
அடியெதுகை தவிர்த்து மற்றபிற எதுகைகள்
நாற்சீர் கொண்ட அளவடியில் மட்டுமே
குறித்தல் வேண்டும் என்பது நியதி.
5.2.3. அடி எதுகை
அடிகள் தோறும் முதலெழுத்து அளவொக்க
பின்வரும் எழுத்து(கள்) பொருந்தி அமைவது
அடியெதுகை என்ற வகையில் வருவது.
இரண்டடி எதுகைச் சான்றுக் குறள்:
அகர முதல எழுத்தெல்லாம் ஆதி
பகவன் முதற்றே உலகு.
---திருக்குறள் 1:1
இரண்டடி களுக்கு மேல்வரும் எதுகை:
அன்று மூல மாதியாய்
இன்று காறு மேழையேன்
நன்று தீது நாடலேன்
தின்று தீய தேடினேன்
செய்யுள் அடியினைக் கணக்கிடும் அடியெதுகை!
அடியெதுகை நோக்க வள்ளலாரின் இப்பாடல்
நான்கே வரிகளில் அமைவது விளங்கும்!
ஒருமையுடன் நினது திருமலரடி நினைக்கின்ற
..உத்தமர்தம் உறவு வேண்டும்
..உள்ளொன்று வைத்துப் புறம்பொன்று பேசுவார்
..உறவு கலவாமை வேண்டும்
பெருமைபெரும் நினதுபுகழ் பேச வேண்டும் பொய்மை
..பேசா திருக்க வேண்டும்
..பெருநெறி பிடித்தொழுக வேண்டும் மதமானபேய்
..பிடியா திருக்க வேண்டும்
மருவு பெண்ணாசையை மறக்கவே வேண்டும் உனை
..மறவா திருக்க வேண்டும்
..மதிவேண்டும் நின்கருணை நிதி வேண்டும் நோயற்ற
..வாழ்வுநான் வாழவேண்டும்
தருமமிகு சென்னையிற் கந்தகோட்டத்துள் வளர்
..தலமோங்கு கந்த வேளே
..தண்முகத் துய்யமணி யுண்முகச் சைவமணி
..சண்முகத் தெய்வ மணியே.
---இராமலிங்க அடிகள், திருவருட்பா 8
எனவே, நெடிலடி, கழிநெடிலடி போன்ற
அடிகளில் நீண்ட கவிதை புனைய
அடிகளை எதுகையால் தொடுப்பதோர் உத்தி.
5.2.4. இணை எதுகை
முதலெழுத்து அளவொக்க முதலிரண்டு சீர்களிலே
பின்வரும் எழுத்து(கள்) ஒன்றுவது இணையெதுகை.
இணையெதுகைச் சான்றுக் குறள் கீழே:
செயற்கரிய செய்வார் பெரியர் சிறியர்
செயற்கரிய செய்கலா தார்.
---திருக்குறள் 3:6
மற்ற சான்றுகள் தேடிடக் கிடத்தவை:
என்றும் என்தோள் பிரிபு அறியலரே
---கபிலர், நற்றிணை 1
நூலறி புலவர் நுண்ணிதிற் கயிறியிட்டுத்
---நக்கீரர், நெடுநல்வாடை 76
பற்றினான் பற்றற்றான் நூல்தவசி எப்பொருளும்
---காரியாசான், சிறுபஞ்சமூலம் 8
சொல்லிய நல்லவும் தீயவாம்---எல்லாம்
---முன்றுறை அரையனார், பழமொழி நானூறு 14
தாடவழ் தடக்கையன் றயங்கு சோதியன்
---தோலாமொழித் தேவர், சூளாமணி
கரியின் உரிவை போர்த்தணங் காகிய
அரியின் உரிவை மேகலை யாட்டி
---இளங்கோவடிகள், சிலப்பதிகாரம், வேட்டுவ வரி 61
மாரதி பாரதியார்க்கு உன்னை உவமானமளிப்பார்
ஆர்*அதிகம் ஆர்தாழ்வு அறைந்திடாய்---ஊர்*அறிய
---பலபட்டடைச் சொக்கநாதப் புலவர், அழகர் கிள்ளை விடுதூது 55
5.2.4. பொழிப் பெதுகை
முதலெழுத்து அளவொக்க முதலாம் மூன்றாம் சீர்களிலே
பின்வரும் எழுத்து(கள்) ஒன்றுவது பொழிப்பெதுகை.
பொழிப்பெதுகைச் சான்றுகள் நோக்குவோம் கீழே:
தோன்றிற் புகழொடு தோண்றுக வஃதிலார்
தோன்றலிற் தோன்றாமை நன்று.
---திருக்குறள் 24:6
ஒருமுறை படித்தது மனதில் நிலைக்க
பாரதி புனையும் பொழிப்பு எதுகைகள்:
ஞானத்தி லேபர மோனத்திலே---உயர்
மானத்தி லேயன்ன தானத்திலே...
தீரத்தி லேபடை வீரத்திலே--நெஞ்சில்
ஈரத்தி லேயுப காரத்திலே...
ஆக்கத்தி லேதொழில் ஊக்கத்திலே--புய
வீக்கத்தி லேயுயர் நோக்கத்திலே...
---தேசிய கீதங்கள், பாரத நாடு
5.2.5. ஒரூஉ எதுகை
முதலெழுத்து அளவொக்க முதலாம் நான்காம் சீர்களிலே
பின்வரும் எழுத்து(கள்) ஒன்றுவது ஒரூஉவெதுகை.
வள்ளுவர் தராத எதுகைகள் உண்டோ?
பயனில பல்லார்முன் சொல்லல் நயனில
நட்டார்கண் செய்தலின் தீது.
---திருக்குறள் 20:2
நல்வழிப் படுத்த ஔவை தருவது:
ஆண்டாண்டு தோறும் அழுது புரண்டாலும்
மாண்டார் வருவரோ மாநிலத்தீர் வேண்டா
நமக்கும் அதுவழியே நாம்போம் அளவும்
எமக்கெனென் றிட்டுண்டு இரும்.
---ஔவையார், நல்வழி 11
5.2.6. கூழை எதுகை
முதலெழுத்து அளவொக்க முதல்மூன்று சீர்களிலே
பின்வரும் எழுத்து(கள்) ஒன்றுவது கூழையெதுகை.
வள்ளுவர் தருகிற கூழை எதுகை:
பற்றுக பற்றற்றான் பற்றினை அப்ப்பற்றைப்
பற்றுக பற்ற விடற்கு.
---திருக்குறள் 35:9
பாரதியின் வந்தே மாதரம் வரிகள்:
ஒன்றாய் நின்றினி வென்றா யினுமுயிர்
சென்றா யினும் வலி குன்றா தோதுவம்.
---பாரதியார், ஜய வந்தே மாதரம்
5.2.7. மேற்கதுவாய் எதுகை
முதலெழுத்து அளவொக்க முதலாம் மூன்றாம் நான்காம் சீர்களிலே
பின்வரும் எழுத்து(கள்) ஒன்றுவது மேற்கதுவாய் எதுகை.
வள்ளுவர் தந்திடும் மேற்கதுவாய் எதுகை:
உதவி வரைத்தன்று உதவி யுதவி
செயப்பட்டார் சால்பின் வரைத்து.
---திருக்குறள் 11:5
5.2.8. கீழ்க்கதுவாய் எதுகை
முதலெழுத்து அளவொக்க முதலிரண்டு நான்காம் சீர்களிலே
பின்வரும் எழுத்து(கள்) ஒன்றுவது கீழ்க்கதுவாய் எதுகை.
வள்ளுவர் திருகிற மேற்கதுவாய் எதுகை:
அஞ்சுவது அஞ்சாமை பேதைமை அஞ்சுவது
அஞ்சல் அறிவார் தொழில்.
--திருக்குறள் 43:8
ஆசாரக் கோவை தருகிற சான்று:
துன்பத்துள் துன்புற்று வாழ்தலும் இன்பத்துள்
---பெருவாயின் முள்ளியனார், ஆசாரக்கோவை 79
5.2.9. முற்று எதுகை
முதலெழுத்து அளவொக்க முதல்நான்கு சீர்களிலுமே
பின்வரும் எழுத்து(கள்) ஒன்றுவது முற்றெதுகை.
வள்ளுவர் தருகிற முற்று எதுகை:
துப்பார்க்குத் துப்பாய துப்பாக்கித் துப்பார்க்குத்
துப்பாய தூஉம் மழை.
---திருக்குறள் 2:2
எதுகை குறிக்க எட்டு வகைகள்.
அடியெதுகை, இணையெதுகை, பொழிப்பெதுகை, ஒரூஉவெதுகை,
கூழையெதுகை, மேற்கதுவாய், கீழ்க்கதுவாய், முற்றெதுகை,
என்று வகைகள் எட்டில் வருமே எதுகை.
அடியெதுகை தவிர்த்து மற்றபிற எதுகைகள்
நாற்சீர் கொண்ட அளவடியில் மட்டுமே
குறித்தல் வேண்டும் என்பது நியதி.
5.2.3. அடி எதுகை
அடிகள் தோறும் முதலெழுத்து அளவொக்க
பின்வரும் எழுத்து(கள்) பொருந்தி அமைவது
அடியெதுகை என்ற வகையில் வருவது.
இரண்டடி எதுகைச் சான்றுக் குறள்:
அகர முதல எழுத்தெல்லாம் ஆதி
பகவன் முதற்றே உலகு.
---திருக்குறள் 1:1
இரண்டடி களுக்கு மேல்வரும் எதுகை:
அன்று மூல மாதியாய்
இன்று காறு மேழையேன்
நன்று தீது நாடலேன்
தின்று தீய தேடினேன்
செய்யுள் அடியினைக் கணக்கிடும் அடியெதுகை!
அடியெதுகை நோக்க வள்ளலாரின் இப்பாடல்
நான்கே வரிகளில் அமைவது விளங்கும்!
ஒருமையுடன் நினது திருமலரடி நினைக்கின்ற
..உத்தமர்தம் உறவு வேண்டும்
..உள்ளொன்று வைத்துப் புறம்பொன்று பேசுவார்
..உறவு கலவாமை வேண்டும்
பெருமைபெரும் நினதுபுகழ் பேச வேண்டும் பொய்மை
..பேசா திருக்க வேண்டும்
..பெருநெறி பிடித்தொழுக வேண்டும் மதமானபேய்
..பிடியா திருக்க வேண்டும்
மருவு பெண்ணாசையை மறக்கவே வேண்டும் உனை
..மறவா திருக்க வேண்டும்
..மதிவேண்டும் நின்கருணை நிதி வேண்டும் நோயற்ற
..வாழ்வுநான் வாழவேண்டும்
தருமமிகு சென்னையிற் கந்தகோட்டத்துள் வளர்
..தலமோங்கு கந்த வேளே
..தண்முகத் துய்யமணி யுண்முகச் சைவமணி
..சண்முகத் தெய்வ மணியே.
---இராமலிங்க அடிகள், திருவருட்பா 8
எனவே, நெடிலடி, கழிநெடிலடி போன்ற
அடிகளில் நீண்ட கவிதை புனைய
அடிகளை எதுகையால் தொடுப்பதோர் உத்தி.
5.2.4. இணை எதுகை
முதலெழுத்து அளவொக்க முதலிரண்டு சீர்களிலே
பின்வரும் எழுத்து(கள்) ஒன்றுவது இணையெதுகை.
இணையெதுகைச் சான்றுக் குறள் கீழே:
செயற்கரிய செய்வார் பெரியர் சிறியர்
செயற்கரிய செய்கலா தார்.
---திருக்குறள் 3:6
மற்ற சான்றுகள் தேடிடக் கிடத்தவை:
என்றும் என்தோள் பிரிபு அறியலரே
---கபிலர், நற்றிணை 1
நூலறி புலவர் நுண்ணிதிற் கயிறியிட்டுத்
---நக்கீரர், நெடுநல்வாடை 76
பற்றினான் பற்றற்றான் நூல்தவசி எப்பொருளும்
---காரியாசான், சிறுபஞ்சமூலம் 8
சொல்லிய நல்லவும் தீயவாம்---எல்லாம்
---முன்றுறை அரையனார், பழமொழி நானூறு 14
தாடவழ் தடக்கையன் றயங்கு சோதியன்
---தோலாமொழித் தேவர், சூளாமணி
கரியின் உரிவை போர்த்தணங் காகிய
அரியின் உரிவை மேகலை யாட்டி
---இளங்கோவடிகள், சிலப்பதிகாரம், வேட்டுவ வரி 61
மாரதி பாரதியார்க்கு உன்னை உவமானமளிப்பார்
ஆர்*அதிகம் ஆர்தாழ்வு அறைந்திடாய்---ஊர்*அறிய
---பலபட்டடைச் சொக்கநாதப் புலவர், அழகர் கிள்ளை விடுதூது 55
5.2.4. பொழிப் பெதுகை
முதலெழுத்து அளவொக்க முதலாம் மூன்றாம் சீர்களிலே
பின்வரும் எழுத்து(கள்) ஒன்றுவது பொழிப்பெதுகை.
பொழிப்பெதுகைச் சான்றுகள் நோக்குவோம் கீழே:
தோன்றிற் புகழொடு தோண்றுக வஃதிலார்
தோன்றலிற் தோன்றாமை நன்று.
---திருக்குறள் 24:6
ஒருமுறை படித்தது மனதில் நிலைக்க
பாரதி புனையும் பொழிப்பு எதுகைகள்:
ஞானத்தி லேபர மோனத்திலே---உயர்
மானத்தி லேயன்ன தானத்திலே...
தீரத்தி லேபடை வீரத்திலே--நெஞ்சில்
ஈரத்தி லேயுப காரத்திலே...
ஆக்கத்தி லேதொழில் ஊக்கத்திலே--புய
வீக்கத்தி லேயுயர் நோக்கத்திலே...
---தேசிய கீதங்கள், பாரத நாடு
5.2.5. ஒரூஉ எதுகை
முதலெழுத்து அளவொக்க முதலாம் நான்காம் சீர்களிலே
பின்வரும் எழுத்து(கள்) ஒன்றுவது ஒரூஉவெதுகை.
வள்ளுவர் தராத எதுகைகள் உண்டோ?
பயனில பல்லார்முன் சொல்லல் நயனில
நட்டார்கண் செய்தலின் தீது.
---திருக்குறள் 20:2
நல்வழிப் படுத்த ஔவை தருவது:
ஆண்டாண்டு தோறும் அழுது புரண்டாலும்
மாண்டார் வருவரோ மாநிலத்தீர் வேண்டா
நமக்கும் அதுவழியே நாம்போம் அளவும்
எமக்கெனென் றிட்டுண்டு இரும்.
---ஔவையார், நல்வழி 11
5.2.6. கூழை எதுகை
முதலெழுத்து அளவொக்க முதல்மூன்று சீர்களிலே
பின்வரும் எழுத்து(கள்) ஒன்றுவது கூழையெதுகை.
வள்ளுவர் தருகிற கூழை எதுகை:
பற்றுக பற்றற்றான் பற்றினை அப்ப்பற்றைப்
பற்றுக பற்ற விடற்கு.
---திருக்குறள் 35:9
பாரதியின் வந்தே மாதரம் வரிகள்:
ஒன்றாய் நின்றினி வென்றா யினுமுயிர்
சென்றா யினும் வலி குன்றா தோதுவம்.
---பாரதியார், ஜய வந்தே மாதரம்
5.2.7. மேற்கதுவாய் எதுகை
முதலெழுத்து அளவொக்க முதலாம் மூன்றாம் நான்காம் சீர்களிலே
பின்வரும் எழுத்து(கள்) ஒன்றுவது மேற்கதுவாய் எதுகை.
வள்ளுவர் தந்திடும் மேற்கதுவாய் எதுகை:
உதவி வரைத்தன்று உதவி யுதவி
செயப்பட்டார் சால்பின் வரைத்து.
---திருக்குறள் 11:5
5.2.8. கீழ்க்கதுவாய் எதுகை
முதலெழுத்து அளவொக்க முதலிரண்டு நான்காம் சீர்களிலே
பின்வரும் எழுத்து(கள்) ஒன்றுவது கீழ்க்கதுவாய் எதுகை.
வள்ளுவர் திருகிற மேற்கதுவாய் எதுகை:
அஞ்சுவது அஞ்சாமை பேதைமை அஞ்சுவது
அஞ்சல் அறிவார் தொழில்.
--திருக்குறள் 43:8
ஆசாரக் கோவை தருகிற சான்று:
துன்பத்துள் துன்புற்று வாழ்தலும் இன்பத்துள்
---பெருவாயின் முள்ளியனார், ஆசாரக்கோவை 79
5.2.9. முற்று எதுகை
முதலெழுத்து அளவொக்க முதல்நான்கு சீர்களிலுமே
பின்வரும் எழுத்து(கள்) ஒன்றுவது முற்றெதுகை.
வள்ளுவர் தருகிற முற்று எதுகை:
துப்பார்க்குத் துப்பாய துப்பாக்கித் துப்பார்க்குத்
துப்பாய தூஉம் மழை.
---திருக்குறள் 2:2
