Tamil Brahmins
Page 759 of 767 FirstFirst ... 259659709749755756757758759760761762763 ... LastLast
Results 7,581 to 7,590 of 7667
  1. #7581
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    15. சீவ வர்க்கங்கள்

    15. மூன்று வகை சீவ வர்க்கங்கள்

    1. விஞ்ஞானகலர் ஆணவம் ஒன்றை மட்டும் உடையவர்.

    2. பிரளயாகலர் ஆணவம், கன்மம் இரண்டையும் உடையவர்.

    3. சகலர் ஆணவம், கன்மம், மாயை என்னும் மூன்றையும் உடையவர்.


    #492 to #494

    #492. சிவமயம் ஆக்கும்

    சக்தி சிவன் விளையாட்டால் உயிராக்கி

    ஒத்த இரு மாயா கூட்டதிடையூட்டிச்
    சுத்தம தாகுந் துரியம் புரிவித்துச்
    சித்தம் புகுந்து சிவமயமாக்குமே.

    சிவனும் சக்தியும் உயிர்களை நுண் உடல்களில் புகுத்துவர். இது அவர்களுக்கு ஒரு விளையாட்டு. சுத்தம், அசுத்தம் என்னும் இரண்டு மாயைகளுடன் கூட்டுவிப்பர். மேலான துரிய நிலையை அடையச் செய்வர். அதன் பின் உயிர்கள் சிவமயம் ஆகும்படி அருள் செய்வர்.

    #493. பத்துப் பிரிவினர்

    விஞ்ஞானர் நால்வரும், மெய்பிரளயாகலத்
    தஞ்ஞானர் மூவரும், தாங்கு சகலத்தின்
    அஞ்ஞானர் மூவரும் ஆகும் பதின்மராம்;
    விஞ்ஞானர் ஆதியர் வேற்றுமை தானே.

    தெளிந்த ஞானம் உடைய விஞ்ஞானர் நான்கு வகைப்படுவர். பேரூழிக் காலத்தில் ஞானம் அடையும் பிரளயாகலர் மூன்று வகைப்படுவர். உலக வாழ்விலும் அறியாமையிலும் அழுந்தியுள்ள சகலர் மூன்று வகைப்படுவர். இவ்வாறு சீவர்கள் பத்து வகைப்படுவர்.

    விளக்கம்


    விஞ்ஞானர் நான்கு வகையினர்:


    உடலுடன் இருக்கும் போதே சிவத்துடன் பொருந்திய சீவன் முக்தர் ஒருவகை

    உடலை விட்டுப் பிரிந்த பின்னர் சிவத்துடன் பொருந்துகின்ற

    உத்தம, மத்திம, அதமர் என்ற மேலும் மூன்ற வகையினர்.

    பிரளயாகலர் மூன்று வகையினர்:

    உத்தம, மத்திம, அதம வகையினர்.

    சகலர்:

    உத்தம, மத்திம, அதம வகையினர்.

    #494. விஞ்ஞானர் நான்கு வகையினர்

    விஞ்ஞானர் கேவலத்து ஆராது விட்டவர்;

    அஞ்ஞானர் அட்ட வித்தேசாரம் சார்ந்துளோர்;
    எஞ்ஞானம் ஏழ்கோடி மந்திர நாயகர்;
    மெய்ஞானர் ஆணவம் விட்டு நின்றாரே.

    ஆணவத்தை மட்டும் உடைய தன்னலம் நீங்கியவர்; ஆன்ம ஞானம் உடைய அட்ட வித்தியேசுரபதம் சார்ந்தவர், உயர்ந்த ஞானம் கொண்ட ஏழு கோடி மந்திரேசுரர்; உண்மையான் அஞ்ஞானம் பெற்று ஆணவ மலத்தை அழித்தவர் என்று நான்கு வகைப்படுவர் விஞ்ஞானகலர்.






  2. #7582
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    #495 to #497

    #495. அடையும் பதங்கள்

    இரண்டாவதில் முத்தி எய்துவர் அத்தனை,

    இரண்டாவதுள்ளே இருமல பெத்தர்,
    இரண்டு ஆகும் நூற்றெட்டு உருத்திரர் என்பர்
    முரண்சேர் சகலத்தார் மும் மலத்தாரே.

    விஞ்ஞானகலரில் பக்குவம் சற்றுக் குறைவாக இருப்பவர்கள் உடலுடன் உள்ள போதே சீவன் முக்தி அடைவதில்லை. அவர்கள் அடுத்த பிறவியில் சிவனைச் சென்று அடைவர். பிரளயாகலர் இரு பிறவிகளில் உருத்திர பதவி அடைவர். மாயையினால் பந்திக்கப்பட்ட சகலர் தங்களுடைய மூன்று மலங்களும் அழியாமல் இருப்பார்.

    #496. சகலரின் வகைகள்

    பெத்தத்த சித்தோடு பேண்முத்தச் சித்துஅது
    ஒத்திட்டு இரண்டிடையூடுஉற்றார் சித்துமாய்
    மத்தது மும்மலம் வாட்டுகை மாட்டாதார்
    சத்தத்து அமிழ்ந்து சகலத்து உள்ளாரே.

    ஆணவம், கன்மம், மாயை என்னும் மூன்றும் உடையவர் சகலர். இவர்களில் சிலர் சித்தான சிவதைப் பேணியதால் ஞான வடிவான சிவம் ஆகி விடுவர். ஞானம் கிரியை என்னும் இரண்டும் ஒத்துப் போய் சதாசிவ நிலையில் பற்றி நிற்பவர் ஆணவம் கன்மம் இரண்டையும் கடந்து ஞான வடிவாக நிற்பர். ஆணவம், கன்மம், மாயை என்ற மூன்றும் நீங்கப் பெறாதவர் நாதத் தத்துவத்தை அறியாத சகலராகவே எப்போதும் இருப்பர்,

    #497. சிவனை அறிந்தவர் ஆவார்

    சிவம்ஆகி ஐவகைத் திண்மலம் செற்றோர்
    அவம்ஆகாச் சித்தர் முத்தாந்தத்து வாழ்வார்
    பாவம்ஆன தீர்வோர்; பசுபாசம் அற்றோர்
    நவம் ஆன தத்துவம் நாடிக் கொண்டாரே.

    ஐந்து வகைப்பட்ட மலங்கள் ஆணவம், கன்மம், மாயை, மாயேயம், திரோதாயி என்பவை. இந்த ஐந்தையும் வென்றவர் சித்தர் ஆகிவிடுவார். என்றும் அழிவில்லாத நிலையில் இருப்பார். அவருடைய பசு பாசத் தன்மைகள் நீங்கிவிடும். அவருக்குப் பிறவிப்பிணி ஓழிந்து விடும். அவர் சிவனின் ஒன்பது நிலைகளையும் நன்கு அறிவார். அவை சிவம், சக்தி, நாதம், விந்து, சதாசிவன் , மகேசுரன், உருத்திரன், திருமால், நான்முகன் என்பவை ஆகும்.


  3. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  4. #7583
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    #498 to #500

    #498. ஒன்பது வகையினர்

    விஞ்ஞானர் ஆணவ கேவலம் மேவுவார் ;

    விஞ்ஞானம் மாயையில் தாங்கும் இருமலர்;
    அஞ்ஞானர் அச்சகலத்தார் சகலராம்
    விஞ்ஞானர் ஆதிகள் ஒன்பான் வேறு உயிர்களே.

    விஞ்ஞானர் ஆணவம் என்ற ஒரு மலத்தை மட்டும் உடையவர். சுத்த மாயையில் உள்ள பிரளயாகலர் ஆணவம், கன்மம் என்னும் இரண்டு மலங்களை உடையவர். சகலர் அறிவற்றவர்கள். ஆணவம், கன்ம, மாயை என்னும் மும்மலங்களையும் உடையவர். இந்த ஒவ்வொரு வகையிலும் உத்தமம், மத்திமம், அதமம் என்ற மூன்று மூன்று பிரிவுகள் என மொத்தம் ஒன்பது வகைகள் உள்ளன.

    #499. மூவருக்கும் முக்தி

    விஞ்ஞான கன்மத்தால் மெய்அகம் கூடி
    அஞ்ஞான கன்மத்தினால் சுவர் யோனி புக்கு
    எஞ்ஞான மெய் தீண்டியே இடைவிட்டுப் போய்
    மெய்ஞானர் ஆகிச் சிவம் மேவல் உண்மையே.

    விஞ்ஞானகலர் எடுத்த பிறவியிலேயே ஞானம் பெற்றுச் சிவபதம் சென்று அடைவர். இவர்கள் ஞான கர்மத்தால் உள் நின்று உணர்த்தப் பெறுவர் . பிரளயாகலர் இங்ஙனம் ஞான கர்மத்தால் உள் நின்று உணர்தப் பெறார். இவர்கள் சில பிறவிகளில் சுத்த வித்தியா மண்டலங்களை அடைந்து அதன் பின்னர் சிவபதம் சென்று சேருவர். சகலர் பலப்பலப் பிறவிகளில் படிப்படியாக ஞானம் பெறுவர். உண்மையான ஞானத்தை அடைந்த பின்பு இவர்களும் சிவபதம் சென்று சேருவர். சிவசாயுச்சியம் என்பது அனைவருக்கும் உறுதியாகக் கிடைக்கும்.

    #500. சகலருக்கும் சிவப்பேறு

    ஆணவந் துற்ற அவித்தாம் நனவு அற்றோர்
    காணிய விந்துவாம் ; நாத, சகல ஆதி
    ஆணவம் ஆதி அடைந்தோர் அவர் அன்றே
    சேண் உயர் சத்தி சிவதத்துவம் ஆமே.

    ஆணவத்துடன் கூடிய அஞ்ஞானத்தை முற்றிலுமாக நீக்கியவர், சகல நிலையிலும், உடம்புடன் உள்ள போதே, நாதம் பிந்து ஆகியவற்றைக் காண முடியும். ஆணவம் முதலான மலங்களை உடையவரோ எனில், அம்மலங்கள் முற்றிலுமாக நீங்கிய பிறகே, மேன்மை பொருந்திய சிவமண்டலங்களைச் சென்று அடைய முடியும்.
  5. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  6. #7584
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    16. பாத்திரம்

    16. பாத்திரம்

    பாத்திரம் என்பது அறநெறியில் ஈட்டிய பொருளைப்

    பத்திரமாகச் சேமித்து வைக்கும் இடம் ஆகும்.

    #501 to #504


    #501. தானப் பயன்

    திலமத்தனை பொன் சிவஞானிக்கீந்தால்

    பல முத்தி சித்தி பரபோகமுந் தரும்
    நிலமத்தனை பொன்னை நின்மூடர்க்கீந்தால்
    பலமுற்றே பர போகமும் குன்றுமே.

    எள்ளளவு பொன்னைச் சிவஞானியாருக்கு ஈந்தால் அதன் பயனாக இம்மையில் இன்பமும், சித்தியும் கிடைக்கும். மறுமையில் முக்தி கிடைக்கும். அஞ்ஞானியருக்கு பூமி அளவு பொன்னைத் தந்தாலும் இம்மையில் இன்பம் கிடைக்காது; மறுமையில் முக்தியும் கிடைக்காது.

    #502. நாதனை உணர்ந்தவர் தேவர் ஆவர்

    கண்டிருந் தாருயிர் உண்டிடுங் காலனைக்
    கொண்டிருந் தாருயிர் கொள்ளுங் குணத்தனை
    நன்றுணர்ந் தார்க்கருள் செய்திடு நாதனைச்
    சென்றுணர்ந் தார் சிலர் தேவருமாமே.

    உரிய காலம் வரை காத்திருந்து அதன் பின்னர் உயிரைப் பறித்துச் செல்வான் யமன். அவனைச் செலுத்துபவன் சிவபெருமானே ஆவான். எட்டுச் சீரிய குணங்களை உடைய சிவன். தன்னை நன்றாக உணர்ந்தவர்களுக்கு அருள் புரிவான். அவன் விளங்குகின்ற நாத விந்து மண்டலங்களைச் சென்று அடைந்தவர்கள் வானவர்கள் ஆகி ஒளி மண்டலத்தில் வசிப்பார்கள்.

    #503. இறைவனை வணங்க வேண்டும்.

    கைவிட்டிலேன் கருவாகிய காலத்தும்

    மெய்விட்டிலேன் விகிர்தன் அடி தேடுவன்
    பொய்விட்டு நானே புரிசடையான் அடி
    நெய்விட்டிலாத இடிஞ்சிலும் ஆமே.

    அன்னையின் வயிற்றில் நான் கருவாக இருந்த போதே சிவஞானத்தைப் பற்றி இருந்தேன். நான் உடலுடன் கூடி இருந்த போதும் அவன் நினைவு நீங்காமல் இருந்தேன். பொய்யான உடலை விடுத்த பின்பும் நான் ஒளி மயமான சிவன் திருவடிகளையே நாடுவேன். நெய் விடாத விளக்கு போல ஒளிர்கின்ற அது ஒரு தூண்டா விளக்கு ஆகும்.

    #504. தன்மயமாகி இருப்பர்

    ஆவன ஆவ, அழிவ அழிவன,

    போவன போவ, புகுவ புகுவன,
    காவலன் பேர் நந்தி, காட்டித்துக் கண்டவன்
    ஏவன செய்யும் இளங்கிளை யோனே.

    வர வேண்டியவை தாமே வந்து சேரும். நீங்க வேண்டியவை தாமே நீங்கி விடும். கழிய வேண்டியவை தாமே கழியும். அனுபவிக்க வேண்டியவை தாமே வந்து சேரும். இறைவள் காட்டுவதைக் கண்டு அமைபவனே ஈசன் ஆணைப் படி நடக்கும் தகுதி வாய்ந்தவன் ஆவான்.


  7. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  8. #7585
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    17. அபாத்திரம்

    தகுதியற்றவர்கள் ஆவர் அபாத்திரம்.
    நல்லார்க்கு ஈவது நற்பயன் தரும்.
    அல்லார்க்கு ஈவது நற்பயன் தராது.


    #505 to #508

    #505. வறண்ட பசு

    கோல வறட்டைக் குனித்துக் குளகிட்டுப்

    பாலைக் கறந்து பருகுவ தேயொக்குஞ்
    சீலமு நோன்பு மிலாதவர்க் கீந்தது
    காலங் கழிந்த பயிரது வாகுமே.

    ஒழுக்கமும் நோன்பும் இல்லாதவர்க்கு ஈவது எதைப் போன்றது? அழகிய வறட்டுப் பசுவுக்கு குனிந்தும் நிமிர்ந்து பசுந் தழைகள் இட்டு அதன் பாலைக் கறந்து குடிப்பது போன்றது ஆகும். பருவம் தவறிச் செய்த பயிரைப் போன்றது ஆகும்.

    # 506. அன்பிலாதவர்க்கு ஈதல்

    ஈவதி யோக மியம நியமங்கள்
    சார்வ தறிந்தன்பு தங்கு மவர்க்கன்றி
    ஆவ தறிந்தன்பு தங்காதவர்களுக்கு
    ஈவா பெரும் பிழை யென்று கொள்ளீரே.

    யோகம் செய்யும் போது செய்ய வேண்டியவை எவை தவிர்க்க வேண்டியவை எவை என்பதை நன்கு அறிந்த, அன்பு உடையவர்களுக்கே தானம் செய்ய வேண்டும். அங்ஙனம் உள்ளத்தில் அன்பு சிறிதும் இல்லாதவர்களுக்கும், சார்பு அறியாதவர்களுக்கும் தானம் செய்வது பெரிய தவறு ஆகும். உலகத்தோரே இதை நன்கு அறிந்து கொள்வீர்!!

    #507. நரகத்தில் அழுந்தான்

    ஆமா றறியா னதி பஞ்ச பாதகன்

    தோமாறும் ஈசற்குந் தூய குரவற்கும்
    காமாதி விட்டோர்க்கும் தரல் தந்து கற்பிப்போன்
    போமா நரகிற் புகான் போதங் கற்கவே.

    பஞ்சமா பாதகன் நல்லவர்களுக்கு தானம் தருவதன் பயனை அறியாமல் வீணே கெடுவான். ஆனால் குற்றமற்ற குருவுக்கும், தூய பெரியவர்களுக்கும், காமம் முதலிய மன மலங்களை முற்றிலுமாக அழித்தவர்களுக்கும் தானம் தருபவன் ஒரு நாளும் நரகக் குழியில் விழவே மாட்டான்.

    #508. ஏழு வகை நரகங்கள்

    மண்மலை யத்தனை மாதனம் ஈயினும்

    அண்ணல் இவனென்றே யஞ்சலி யத்தனாய்
    எண்ணி யிறைஞ்சாதார்க் கீந்த விருவரும்
    நண்ணுவ ரேழா நரகக் குழியிலே.

    மண் மலையளவு பெரிய பொருளைத் தானம் செய்தாலும், சிவனே முன் நின்று அதைத் தருகின்றான் என்று எண்ணி கூப்பிய கைகளுடன் சிவனை வணங்க வேண்டும். அவ்வாறு எண்ணாமல் தானம் கொடுக்கின்றவனும், அதை வாங்குகின்றவனும் ஏழு வகைப்பட்ட நரகங்களில் வீழ்ந்து வருந்துவர்.



  9. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  10. #7586
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    18. தீர்த்தம்

    18. தீர்த்தம்

    தீர்த்தம் என்றால் தூய நீர் என்று பொருள். காவிரியும், கங்கையும் மண்ணில் பாய்ந்து மக்களைத் தூய்மைப் படுத்துகின்றன. அது போன்றே உடலின் உள்ளேயும் மூலாதாரம் முதல் சஹஸ்ர தளம் வரையில் தூய நீர் உள்ளது. அந்த நீரை அறிந்து கொண்டு அதில் நீராட வேண்டும்.

    #509 to #511

    #509. ஏழு தீர்த்தங்கள்

    உள்ளத்தின் உள்ளே உளபல தீர்த்தங்கள்

    மெள்ளக் குடைந்து நின்று ஆடார் வினை கெடப்
    பள்ளமும் மேடும் பரந்து திரிவரே
    கள்ள மனம் உடைக் கல்வி இலோரே.

    உடலின் உள்ளே மூலாதாரம் முதல் சஹஸ்ரதளம் வரையில் ஏழு இடங்களில் தூய நீர் உள்ளது. நாம் செய்த வினைகள் நீங்கிட இந்தத் தூய நீரில் நீராட வேண்டும். நேர்மையான மனமும், தெளிந்த அறிவும் இல்லாதவர்கள் பள்ளங்களிலும் மலைகளிலும் தூய நீரைத் தேடி அலைவார்கள்.

    #510. அகத்தில் சிவன் விளங்குவான்

    தளி அறிவாளர்க்குத் தண்ணியதாய்த் தோன்றும்

    குளி அறிவாளர்க்குக் கூடவும் ஒண்ணான்
    வளி அறிவாளர்க்கு வாய்க்கினும் வாய்க்கும்
    தெளி அறிவாளர்தம் சிந்தையுளானே.

    கோவிலில் சென்று வழிபடுபவருக்குச் சிவன் குளிர்ச்சியுடையவனாகி அருள் செய்வான் .காம நெறியில் செல்பவர்களுக்கு அவன் அடைய முடியாதவன் ஆவான். மூச்சுப் பயிற்சியும் பிராணாயாமமும் செய்பவர் ஒருவேளை அவனை அடையக் கூடும். ஆயினும் அவன் தெளிந்த ஞானம் உடையவர் சிந்தையில் எப்போதும் இடையறாது வீற்றிருப்பான்.

    #511. கள்ள மனம் கொண்டவர்

    உள்ளத்தின் உள்ளே உணரும் ஒருவனைக்

    கள்ளத்தின் ஆருகலந்து அறிவார் இல்லை
    வெள்ளத்தை நாடி விடும் அவர் தீவினை
    பள்ளத்தில் இட்டது ஒரு பத்தலுள் ஆமே.

    உள்ளத்தால் உணர இயலும் சிவபெருமானை! கள்ள மனம் கொண்ட, ஒழுக்கம் அற்றவர்களால் சிவனை அறிய இயலாது. இன்பத்தை நாடும்அவர்கள் மனம் ஒரு ஒட்டையான சால் போன்றது. அவர்கள் சிவனை அறிய முயல்வது ஓட்டைச் சாலை வைத்துக் கொண்டு மேட்டுக்கு நீரை இறைப்பதைப் போன்று வீணாகும்.



  11. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  12. #7587
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    #512 to # 514

    #512. தலை உச்சியில் உள்ளது கங்கை நீர்

    அறிவு ஆர் அமரர்கள் ஆதிப் பிரானைச்

    செறிவான், உறைபதம் சென்று வலங்கொள்
    மறியார் வளைக்கை வருபுனல் கங்கைப்
    பொறிஆர் புனல் மூழ்கப் புண்ணியர் ஆமே.


    ஒளி மண்டலத்தில் வாழ்பவர்கள் அமர்கள். அவர்கள் விந்து மண்டலத்தை அடைந்து, ஆதிப் பிரானாகிய சிவபெருமானை அடைவர். ஐம் பொறிகளை உடைய அன்பர்கள் காமத்தைத் தடுத்து வெற்றி கொண்டால், ஓங்கார நாதத்துடன் தலை உச்சியில் பாயும் கங்கை நீரில் நீராடிப் புனிதர்கள் ஆகிவிடலாம்.


    #513. சிவனை உள்ளத்தில் தேடுவீர்

    கடலில் கெடுத்துக் குளத்தில் காண்டல்

    உடலுற்றுத் தேடுவார் தம்மை ஒப்பார் இல்;
    திடம் உற்ற நந்தி திருவருளால் சென்று
    உடலில் புகுந்தமை ஒன்று அறியாரே.

    கடலில் ஒரு பொருளைப் போட்டு விட்டு அதை குளத்தில் சென்று தேடுவர் சிலர். ஆயினும் நீர்ப்பை என்னும் கடலில் விந்து நீக்கம் ஆவதைக் கெடுத்தவர், அதை நெற்றிப் பகுதியில் உள்ள குளத்தில் ஒளியாகப் பெற முடியும். சிவபெருமான் தன் திருவருளால் நம் உடலில் புகுந்துள்ளதால் இதுவும் சாத்தியமே.

    #514. சந்திர மண்டலம்

    கலந்தது நீர் அது உடம்பில் கறுக்கும்;

    கலந்தது நீர் அது உடம்பில் சிவக்கும்;
    கலந்தது நீர் அது உடம்பில் வெளுக்கும்;
    கலந்தது நீர், அனல், காற்று அது ஆமே.

    சீவன் தாமச குண வயப்பட்டிருக்கும் போது உடலில் கலந்துள்ள நீர் கருமை நிறம் உடையதாக இருக்கும். ராஜச நிலையில் மூல வாயு நெற்றியைச் சென்று அடையும் போது மாதுளம் பூவைப் போன்று சிவந்த நிறத்துடன் இருக்கும். சாத்விக குணத்துடன் சிதாகாசத்தை அடையம் போது வெண்மையான ஒளியுடன் விளங்கும். இவ்வாறு கலந்த நீரில் தீயின் ஒளியும், காற்றியின் இயக்கமும் கலந்து இருக்கும்.



  13. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  14. #7588
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    19. திருக்கோவில் இழிவு

    19. திருக் கோவில் இழிவு

    கோவிலுக்குச் செய்யும் இழிவுகளால் விளையும் கேடு!


    #515 to #517


    #515. தாவர லிங்கம்

    தாவர லிங்கம் பறித்தொன்றில் தாபித்தால்
    ஆவதன் முன்னே யரசு நிலை கெடுஞ்
    சாவதன் முன்னே பெருநோய் அடுத்திடுங்
    காவலன் பேர் நந்தி கட்டுரைத் தானே.

    சிவலிங்கம் சிவபெருமானுடைய அருவுருவத் திருமேனி ஆகும். ஓரிடத்தில் அமைக்கப் பட்டுள்ள ஒரு லிங்கத்தைப் பெயர்த்து வேறு இடத்தில் வைத்தால் ஆகாது. அவ்வாறு செய்ய எண்ணினால் அது நிகழும் முன்பே அந்த நாட்டின் ஆட்சி அழிந்து போகும். லிங்கத்தைப் பெயர்த்தவனை அவன் இறக்கும் முன்பே தொழுநோய் வந்து பற்றும். இதை உலகுக்கு உரைத்தவன் உலகின் காவலனான சிவபெருமான்.

    #516. கோவில் மதில்

    கட்டுவித் தார்மதில் கல்லொன்று வாங்கிடில்

    வெட்டுவிக் கும் அபிடேகத் தரசரை
    முட்டுவிக் கும்முனி வேதியராயினும்
    வெட்டுவித் தேவிடும் விண்ணவ னாணையே.

    கோவில் மதிலின் ஒரு கல்லைப் பெயர்த்து எடுத்தால் அதன் தீமைப்பயன் முடி சூடிய மன்னனையே வெட்டி வீழ்த்தி விடும். முனிவர்களின் செய்கின்ற தவம் பயன் தராமல் தடுக்கும். அவ்வாறு கல்லைப் பெயர்த்துப் பறித்தவன் அந்தணன் ஆயினும் அவனையும் வெட்டி வீழும்படிச் செய்யும். இது சிவ பெருமானின் ஆணை ஆகும்.

    #517. பூசைகள் தவறக் கூடாது


    ஆற்றரு நோய்மிக் கவனி மழையின்றிப்

    போற்றரு மன்னரும் போர்வலி குன்றுவர்
    கூற்றுதைத் தான்றிருக் கோவில்க ளெல்லாஞ்
    சாற்றிய பூசைகள் தப்பிடிற் றானே.

    காலனைக் காலால் உதைத்தவன் சிவபெருமான். அவன் திருக் கோவில்களில் மறைகள் விதித்தபடி பூசைகள் நடைபெற வேண்டும். அங்ஙனம் பூசைகள் நிகழவில்லை என்றால் குணப்படுத்த முடியாத பல வியாதிகள் தோன்றும். பருவத்தே மழை பொழியாது பொய்க்கும். மன்னனின் போர் ஆற்றல் குறைந்து விடும்.




  15. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  16. #7589
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    #518 & #519

    #518. பிற கேடுகள்

    முன்னவ னார்கோயிற் பூசைகள் முட்டிடின்

    மன்னர்க்குத் தீங்குள வாரி வளங் குன்றுங்
    கன்னங் களவு மிகுந்திடுங் காசினி
    யென்னரு நந்தி யெடுத்துரைத் தானே.

    சிவபெருமான் திருக் கோவில்களில் பூசைகள் தடைப்பட்டால் மன்னனுக்குத் தீமைகள் உண்டாகும். நாட்டின் வளம் குன்றும். கன்னக் கோல் இடும் கள்ளர்கள் அதிகரிப்பர். களவு பெருகும். இங்கனம் உரைத்தது என் சிவபெருமான்.

    #519. சிவ தீட்சையின் இன்றியமையாமை

    பேர்கொண்ட பார்ப்பான் பிரான் தன்னை அர்ச்சித்தால்

    போர்கொண்ட வேந்தர்க்குப் பொல்லா வியாதியாம்
    பார்கொண்ட நாட்டுக்குப் பஞ்சமு மாமென்றே
    சீர்கொண்ட நந்தி தெரிந்துரைத் தானே.

    பூஜை செய்யும் தகுதியைப் பெறாத அந்தணன் சிவன் கோவிலில் பூசை செய்யலாகாது. அங்கனம் பூசை செய்தால் போருக்குச் செல்லும் மன்னனுக்குக் கொடிய வியாதிகள் தோன்றும். பார் எங்கும் பரவிய நாட்டில் பஞ்சம் உண்டாகும். இவ்வாறு கூறியவன் சிறப்புடைய சிவபெருமானே ஆவான்.



  17. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  18. #7590
    Join Date
    Sep 2010
    Location
    Coimbatore, India
    Posts
    61,413
    Downloads
    0
    Uploads
    0

    0 Not allowed!
    20. அதோ முக தரிசனம்

    20. அதோ முக தரிசனம்

    கீழ் நோக்கிய சிவனின் முகம் அதோ முகம் ஆகும்.
    அதைத் தரிசிப்பது அதோ முக தரிசனம்

    #520 to #522

    #520. ஆறுமுகனுக்கு ஆணையிட்டான்

    எம்பெருமான் இறைவா முறையோ என்று

    வம்புஅவிழ் வானவர் அசுரன் வலிசொல்ல,
    அம்பவள மேனி அறுமுகன் போய் அவர்
    தம்பகை கொல் என்ற தற்பரன் தானே.

    சிவபெருமானிடம் சென்று எம் தலைவா! எம் இறைவா! இதுவும் முறையோ? என்று துயருற்ற வானவர்கள் அசுரனின் வலிமையைப் புகன்று வருந்தினர். சிவன் ஆறுமுகனை அழைத்து, அழகிய பவள வண்ணம் கொண்ட பாலகனே! நான் தரும் படையுடன் செல்வாய். அசுரனைக் கொல்வாய். தேவர்கள் துயர் தீர்ப்பாய் என்று ஆணையிட்டான். அந்த அருள் மிகுந்த இறைவனே தற்பரன் ஆகிய நம் சிவபிரான்.

    #521. கறுத்த கண்டம் கொண்டவன்

    அண்டமொடு எண்திசை தாங்கும் அதோமுகம்
    கண்டம் கறுத்த கருத்து அறிவார் இல்லை
    உண்டது நஞ்சு என்று உரைப்பர் உணர்வு இலோர்;
    வெண் தலை மாலை விரிசடையோற்கே.

    வெண்ணிறக் கபால மாலையை அணிந்தவன் சிவன். அண்டங்களையும், எட்டு திசைகளையும் தன் அதோ முகத்தால் தாங்குகின்றான். அந்த அதோ முகத்தின் கண்டம் கறுத்து இருப்பது ஏன்? சிவன் நஞ்சை உண்டதால் கண்டம் கறுத்தது என்று கூறுபவர் அறிவற்றவர்கள். கருமை என்பது இருட்டு அல்லது அறியாமை. மேலே இருக்கும் ஒளியை நோக்கிச் செல்லாமல் கீழ் இருளை நோக்கிச் செல்வது அறியாமை என்று உணர்த்துகின்றது அந்தக் கருமை.

    #522. பொய்யும் மெய்யும்

    செய்தான் அறியும் செழுங்கடல் வட்டத்துப்

    பொய்யே உரைத்துப் புகழும் மனிதர்கள்
    மெய்யே உரைத்திடில் விண்ணோர் தொழச் செய்வான்
    மை தாழ்ந்து இலங்கும் மணி மிடறுடையோனே.

    கரிய நிறம் கொண்ட கழுத்தை உடையவன் சிவபெருமான். உலகங்களைப் படைத்த அவன் பொய்யையும் அறிவான்; மெய்யையும் நன்கு அறிவான். கடல் சூழ்ந்த உலகில் பலர் பொய்க் கதைகளைப் பேசித் திரிகின்றார்கள். அவர்கள் உண்மையான தத்துவத்தைப் பற்றிப் பேசுவார்கள் என்றால் சிவன் அவர்களுக்குத் தேவர்களும் வந்து தொழும்படியான மேன்மையை அருள்வான்.

  19. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •