• Welcome to Tamil Brahmins forums.

    You are currently viewing our boards as a guest which gives you limited access to view most discussions and access our other features. By joining our Free Brahmin Community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

    If you have any problems with the registration process or your account login, please contact contact us.

Quotable Quotes Part II

OP
OP
Visalakshi Ramani

Visalakshi Ramani

Well-known member
Every problem in our life can be traced back to
"Me & Mine AND /OR You & Your".

When "I" and "You" are both equated to the same paramathma
all the existing micro-mini-differences, hatred and fear will vanish!

Easier said than done???
 
OP
OP
Visalakshi Ramani

Visalakshi Ramani

Well-known member

#25. ச’த்ரௌ மித்ரே​

25. எல்லோரையும் ஸமமாகக் காண்பாய்!

ச’த்ரௌ மித்ரே புத்தரே ப3ந்தௌ4
மா குரு யத்னம் விக்3ரஹஸந்தௌ4 |
ப4வ ஸம சித்த ஸர்வத்ர த்வம்
வாஞ்ச்சஸ் யசிராத் யதி விஷ்ணுத்வம் ||


விஷ்ணுத்வம் என்கின்ற மோக்ஷத்தை அடைய விரும்பினால், பகைவனிடத்திலும், நண்பனிடத்திலும், பிள்ளை இடத்திலும், உறவினன் இடத்திலும் பகைமையோ அல்லது நட்போ பாராட்டதே. எல்லோரையும் சமமாகக் கருதிப் பழகும் மனப் பக்குவத்தை அடைவாய்!
 
OP
OP
Visalakshi Ramani

Visalakshi Ramani

Well-known member
THIS equanimity of treating everyone equal has come to effect now.

Thanks to COVID....

Now everyone except oneself is a complete stranger!

ONE OWES nothing to anyone - whoever it may be!
 
OP
OP
Visalakshi Ramani

Visalakshi Ramani

Well-known member

#26. காமம் க்ரோத4ம்​

26. ஆன்மாவை உயர்த்துவாய் !

காமம் க்ரோத4ம் லோப4ம் மோஹம்
த்யக்த்வாத்மானம் பா4வய கோஹம் |
ஆத்மா ஞான விஹீன மூடா4:
தே பச்யந்தே நரக நிகூ3டா4: ||

காமம், கோபம், பணத்தாசை, மயக்கம் என்பவற்றை விட்டு விட்டு “நான் யார்” என்ற ஆராய்ச்சியில் இறங்குவாய். ஆத்ம ஞானம் இல்லாத மூடர்கள் நரகத்தில் மூழ்கித் துயர் அடைகின்றனர்.
 
OP
OP
Visalakshi Ramani

Visalakshi Ramani

Well-known member

#27. கே3யம் கீ3தா​

27. செய்ய வேண்டியன.

கே3யம் கீ3தா நாம ஸஹஸ்ரம்
த்4யேயம் ஸ்ரீபதி ரூப மஜஸ்ரம் |
நேயம் ஸஜ்ஜன ஸங்கே3 சித்தம்
தே3யம் தீ3ன ஜநாய ச வித்தம் ||


பகவத் கீதையும், விஷ்ணு ஸஹஸ்ரநாமமும் பாடப் பட வேண்டும்;
ஸ்ரீபதியாகிய நாராயணனின் உருவம் எப்போதும் த்யானம் செய்யப் பட வேண்டும்; மனத்தை நல்லவர்களின் நட்பில் செலுத்த வேண்டும்;
செல்வம் ஏழைகளுக்குப் பகிர்ந்து அளிக்கப்படவேண்டும்.
 
OP
OP
Visalakshi Ramani

Visalakshi Ramani

Well-known member

#28. ஸுகத: க்ரியதே​

28. பாவச் செயல்களை விடவேண்டும்!

ஸுகத: க்ரியதே ராமா போ4க3:
பச்’சாத் ஹந்த ச’ரீரே ரோக3: |
யத்3யபி லோகே மரணம் ச’ரணம்
தத3பி ந முஞ்சதி பாபா சரணம் ||


பெண்ணின் அனுபவம் சுகமாகச் செய்கின்றான்.
பிறகு உடலில் நோய் நொடிகள் உருவாகின்றன.
மரணம் தவிர்க்கவே முடியாதது என்றாலும்
பாபச் செயல்கள் செய்வதை யாருமே விடுவதில்லையே!
 
OP
OP
Visalakshi Ramani

Visalakshi Ramani

Well-known member

#29. அர்த்த2மனர்த்த2ம்​


29. பணத்தால் துன்பமே!

அர்த்த2மனர்த்த2ம் பா4வய நித்யம்
நாஸ்தி தத: ஸுகலேச’: ஸத்யம்|
புத்ராத3பி த4ன பா4ஜாம் பீ4தி:
ஸர்வத்ரைஷா விஹிதா ரீதி: ||

பணத்தை சுகம் என்று எண்ணாதே.
அது எப்போதும் துன்பத்தைத்தான் தரும்.
பிள்ளையிடமிருந்து பணம் வாங்கினாலும் பயம் தான்.
எல்லாவிடங்களிலும் பணத்தால் ஏற்படும் துன்பம் சமமானதே.
 
OP
OP
Visalakshi Ramani

Visalakshi Ramani

Well-known member

#30. ப்ராணாயாமம்​

30. மனத்தை அடக்குவாய்!

ப்ராணாயாமம் ப்ரத்யாஹாரம்
நித்யா நித்ய விவேக விசாரம் |
ஜாப்ய ஸமேத ஸமாதி4 விதா4னம்
குர்வவதா4னம் மஹத3வதா4னம் ||

மூச்சுக் காற்றை பிராணாயாமத்தில் அடக்குவதையும் ;
பிரத்யாஹாரத்தில் புலன்களை அடக்குவதையும்;
‘நிலையானது எது? நிலை அற்றது எது?’ என்ற விவேக ஞானத்தையும்,
ஜபம் செய்வதையும் , சமாதி என்ற மனதின் ஒரு நிலைப் பாட்டினையும்
நீ ஏற்றுக்கொண்டு நன்கு அவற்றைச் செய்ய வேண்டும்.
 
OP
OP
Visalakshi Ramani

Visalakshi Ramani

Well-known member

#31. கு3ரு சரணாம்பு3ஜ​


31. குருதிருவடிகளே சரணம்!

கு3ரு சரணாம்பு3ஜ நிர்ப4ர ப4க்த :
ஸம்ஸாரா த3சிராத்3 ப4வ முக்த: |
ஸேந்த்3ரிய மானஸ நியமா தே3வம்
த்3ரக்ஷ்யஸி நிஜ ஹ்ருத3யஸ்த்தம் தே3வம் ||


நீ உன்னுடைய புண்ணிய, பாவங்களாகிய பாரத்தையெல்லாம் குரு திரு அடிகளுக்கு அர்ப்பணம் செய்து பக்தி செய்தால், விரைவிலேயே உன் பிறவித் தளைகள் நீங்கிவிடும். உன் இந்திரியங்களையும், மனத்தையும் நன்றாகக் கட்டுப்படுத்தினால் உன் உள்ளத்திலேயே அந்தர்யாமியாக உள்ள இறைவனையும் நீ தரிசிப்பாய்!
 
OP
OP
Visalakshi Ramani

Visalakshi Ramani

Well-known member
 
OP
OP
Visalakshi Ramani

Visalakshi Ramani

Well-known member

அபிராமி அந்தாதி​

திரு அபிராமிப் பட்டர் சோழ நாட்டில், 18 வது நூற்றாண்டின் பிற்பகுதியில், அந்தணர் குலத்தில் பிறந்தவர். திருக்கடவூரில் வாழ்ந்தவர். இவர் தமிழ் மொழி, வடமொழிப் புலமையும், நல்ல ஒழுக்கமும், இறை பக்தியும் கொண்டு இலங்கினார். தம் குல தெய்வமான அபிராமி அம்மையிடம் அளவற்ற பக்தி கொண்டவர். அவள் அருளைப் பரிபூரணமாகப் பெற்றவர்.

நல்லவர்களை உலகம் நிம்மதியாக வாழவிடுமா? பொறாமையால் பீடிக்கப்பட்ட சில அந்தணர்கள் இவரைப் பற்றி குறை கூறித் திரிந்தனர். சரபோஜி மகாராஜா ஒரு தை அமாவாசை அன்று திருக்கடவூர் கோவிலுக்கு வந்தார்.

கோள் கூறுபவர்களுடைய கூற்றை ஆராயவேண்டி, பட்டரிடம் அரசன் அன்றைய திதியைக் கேட்டான். அம்மையின் அருள் ஒளி உள்ளத்தில் நிறைத்து வைத்திருந்த பட்டர் பௌர்ணமி திதி என்ற பதில் அளித்து விட்டார். அமாவாசையைப் பௌர்ணமி என்ற கூறக் கேட்ட மன்னன் அளவற்ற கோபம் கொண்டான்.

அரசன் தனக்கு தண்டனை தருமுன்னர் தானே தனக்கு தண்டனை அளித்துக் கொள்ள எண்ணினார் பட்டர். ஒரு நெருப்பு குண்டம் அமைத்து அதற்கு மேல் நூறு கயிறுகளால் தாங்கப்படும் உறியை அமைத்து அதன் மீது அமர்ந்து கொண்டு நூறு அந்தாதிப் பாடல்களைப் பாடினார்.

ஒவ்வொரு பாடல் முடிந்ததும் ஒவ்வொரு கயிறாக வெட்டினார். அவர் 79 வது பாடல் ஆகிய ‘விழிக்கே அருள் உண்டு’ என்ற பாடலின் முடிவில் தேவி தன் காதணியைச் சுழற்றி வீசவே, வானில் பூரண நிலவின் ஒளி வீசியது!

எஞ்சிய பாடல்களையும் பாடுமாறு அன்னை பணிக்கவே, பட்டரும் நூறு பாடல்களையும் பாடி முடித்தார். தன் தவற்றை உணர்ந்த மன்னன் மன்னிப்புக் கோரி, அவரை வணங்கி, அவருக்கு ‘அபிராமிப் பட்டர்’ என்ற பட்டதையும் வழங்கினான்.

கணபதி துதியையும், நூற்பயனையும் சேர்த்து 102 பாடல்கள் கொண்ட இந்தத் தொகுதியைக் காண்போம்.

அபிராமி அன்னையையும், அபிராமிப் பட்டரையும் வணங்கி இத்தொடரைத் தொடங்குகின்றேன்.

உங்கள் உண்மையுள்ள,
விசாலாக்ஷி ரமணி.
 
OP
OP
Visalakshi Ramani

Visalakshi Ramani

Well-known member

கணபதி காப்பு.​

தார் அமர் கொன்றையும் சண்பக மாலையும் சாத்தும் தில்லை
ஊரர்தம் பாகத்து உமை மைந்தனே, உலகு ஏழும் பெற்ற
சீர் அபிராமி அந்தாதி எப்போதும் என் சிந்தையுள்ளே
கார் அமர் மேனி கணபதியே நிற்கக் கட்டுரையே.


கொன்றைப் பூவையும், சண்பக மாலையையும் சூடியுள்ள, தில்லை ஈசனின் இடது பாகத்தில் இடம் பிடித்துள்ள உமையின் மகனே! கரிய நிறத் திருமேனி கணபதியே! ஏழு உலகங்களையும் காக்கும் புகழ் வாய்ந்த அபிராமி அன்னையின் மீது யான் பாடத் தொடங்கும் அந்தாதி, என் உள்ளத்துள் என்றும் நிலை பெற்று விளங்க அருள் புரிவாய்.
 
OP
OP
Visalakshi Ramani

Visalakshi Ramani

Well-known member

#001. உதிக்கின்ற செங்கதிர்​

1 . என் விழுத்துணை அவளே.

உதிக்கின்ற செங்கதிர் உச்சித் திலகம், உணர்வுடையோர்
மதிக்கின்ற மாணிக்கம், மாதுளம்போது, மலர்க்கமலை
துதிக்கின்ற மின்கொடி, மென்கொடி குங்குமத் தோயம் என்ன
விதிக்கின்ற மேனி அபிராமி என் விழுத் துணையே.


உதிக்கின்ற சூரியனும், நெற்றியின் உச்சியில் இட்ட திலகமும், நன்மதி உடையோர் மதிக்கின்ற மாணிக்கமும், மாதுளை அரும்பும், மின்னல் கொடியும், நறுமணக் குங்குமமும் போன்று தொன்று தொட்டுப் போற்றப்படுகின்ற திருமேனியை உடைய அபிராமி அன்னையே எனக்கு சிறந்த துணை ஆவாள்
 
OP
OP
Visalakshi Ramani

Visalakshi Ramani

Well-known member

#002. துணையும் தொழும்​


# 2 எல்லாம் அவளே!

துணையும், தொழும் தெய்வமும், பெற்ற தாயும், சுருதிகளின்
பணையும் கொழுந்தும், பதி கொண்ட வேரும் பனிமலர் பூங்
கணையும், கறுப்புச் சிலையும், மென் பாசாங்குசமும், கையில்
அணையும் திரிபுர சுந்தரி ஆவது அறிந்தனமே.


நமக்குத் துணையாகவும், குல தெய்வமாகவும், பெற்ற அன்னையாகவும், வேதங்களின் கிளையாகவும், கொழுந்தாகவும், அடி வேராகவும் விளங்குபவள், குளிர்ந்த மலர்க் கணைகளும், கரும்பு வில்லும், அங்குச பாசமும் கைகளில் ஏந்திய திரிபுர சுந்தரியே என்று அறிந்துகொள்வோம்.
 
OP
OP
Visalakshi Ramani

Visalakshi Ramani

Well-known member

#003. அறிந்தேன் எவரும்​


# 3 . அறிந்ததும், செறிந்ததும்

அறிந்தேன் எவரும் அறியா மறையை; அறிந்து கொண்டு
செறிந்தேன், உனது திருவடிக்கே; திருவே வெருவிப்
பிரிந்தேன், நின் அன்பர் பெருமை எண்ணாத கரும நெஞ்சால்
மறிந்தே விழும் நரகுக்கு உறவாகிய மனிதரையே.


என் அன்னையே! எவரும் அறியாத மறையின் பொருளை உன் அருளால் அறிந்து கொண்டேன். அதன் பயனாக, உன் அன்பர்களின் பெருமையை மதிக்காத தீ வினையாளர்களை விட்டு விலகி திருவடிகளிலேயே நான் தஞ்சம் புகுந்து விட்டேன்.
 
OP
OP
Visalakshi Ramani

Visalakshi Ramani

Well-known member

#004. மனிதரும், தேவரும்​

#4. என் மதியில் எழுந்தருள்வாய்.

மனிதரும், தேவரும், மாயாமுனிவரும் வந்து, சென்னி
குனிதரும் சேவடிக் கோமளமே! கொன்றைவார் சடைமேல்
பனிதரும் திங்களும், பாம்பும், பகீரதியும், படைத்த
புனிதரும் நீயும் என் புந்தி எந்நாளும் பொருந்துகவே .


மனிதர்களும், தேவர்களும், சாகாத வரம் பெற்ற முனிவர்களும் வந்து சிரம் தாழ்த்தி வணங்கும் சிவந்த திரு அடிகள் வாய்ந்த மெல்லியலாளே! கொன்றை மலர் சூடிய சடையின் மேல், இளம் பிறையையும், பாம்பையும், கங்கையையும் ஏந்தி அருளும் தூயவரான எந்தை சிவபிரானும் நீயும் என் அறிவுடன் எந்நாளும் மாறாது இணைந்து இருக்க வேண்டுகின்றேன்.
 
OP
OP
Visalakshi Ramani

Visalakshi Ramani

Well-known member

#005. பொருந்திய முப்புரை​

5. திருவடிப் பேறு.

பொருந்திய முப்புரை, செப்பு உரைசெய்யும் புணர்முலையால்
வருந்திய வஞ்சி மருங்குல் மனோன்மணி, வார் சடையோன்
அருந்திய நஞ்சு அமுது ஆக்கிய அம்பிகை அம்புயமேல்
திருந்திய சுந்தரி, அந்தரி பாதம் என் சென்னியதே.


மூவுலகங்களின் சிறப்புக்கள் எல்லாம் பெற்றவளும்; செப்புப் போன்ற அழகிய நகில்களின் பாரத்தால் துவளும் கொடி போன்ற இடையை உடைய மனோன்மணியும்; சிவபிரான் அருந்திய நஞ்சையே அமிர்தமாக மாற்றிய உமாதேவியும்; ஞானப் பெருவெளியாக விளங்கும் பேரழகியும் ஆன அபிராமி அன்னையின் திருவடிகள் என் தலை மீது பதிந்து உள்ளன.
 
OP
OP
Visalakshi Ramani

Visalakshi Ramani

Well-known member

#006. சென்னியது உன் பொன்​

# 6. நினைவும் நீயே! செயலும் நீயே!

சென்னியது உன்பொன் திருவடித் தாமரை, சிந்தையுள்ளே
மன்னியது உன் திருமந்திரம், சிந்தூர வண்ணப் பெண்ணே
முன்னிய நின்னடியாருடன் கூடி முறை முறையே
பன்னியது என்றும் உந்தன் பரமாகம பத்ததியே.


சிவந்த திருமேனியை உடைய தேவியே, உன் பொற்றாமரைத் திருவடிகளை என் தலை மீது அணிந்துள்ளேன். உன் மூல மந்திரம் என் உள்ளத்திலே நிலைத்துள்ளது. உன் ஆகம நெறிகளை உன் தொண்டர்களுடன் கூடி நான் பின்பற்றுகின்றேன்.
 
OP
OP
Visalakshi Ramani

Visalakshi Ramani

Well-known member

#007. ததி உறு மத்து​


7. ஆவியின் அடைக்கலம் நீ.

ததி உறு மத்தின் சுழலும் என் ஆவி, தளர்வு இலது ஓர்
கதி உறு வண்ணம் கருத்து கண்டாய் கமலாலயனும்
மதி உறு வேணி மகிழ்நனும், மாலும், வணங்கி என்றும்
துதி உறு சேவடியாய்! சிந்துரானான சுந்தரியே.


தாமரையில் உறையும் பிரமனும், இளம் பிறை அணிந்த சிவனும், திருமாலும் பணியும் சிவந்த திருவடிகளை உடைய தேவியே! சிந்தூரம் விளங்கும் அழகியே! தயிர் கடையும் மத்தைப் போல என் உயிர் பிறப்பு, இறப்பு என்னும் சுழல்களில் சிக்காமல் இருக்க அருள் புரிவாய்.

Advertisements
 
OP
OP
Visalakshi Ramani

Visalakshi Ramani

Well-known member

#008. சுந்தரி எந்தை​

8. சிந்தையில் சேவடி.

சுந்தரி, எந்தைத் துணைவி, என் பாசத் தொடரை எல்லாம்
வந்தரி சிந்தூர வண்ணத்தினாள், மகிடன் தலை மேல்
அந்தரி, நீலி, அழியாத கன்னிகை, ஆரணத்தோன்
கந்தரி, கைத் தலத்தாள் மலர்த்தாள் என் கருத்தனவே.


திரிபுர சுந்தரி, என் பிரானின் மனைவி, என் பந்த பாசங்களை அகற்றும் சிவந்த மேனியள், மகிடனின் தலைமீது நிற்பவள், நீலி, நித்திய கன்னிகை, பிரமன் கபாலத்தைத் தாங்கிய திருக்கரம் உடையவள், அவள் மலர்ப் பாதங்கள் என் மனதில் நிலைத்துள்ளன.
 

Follow Tamil Brahmins on Social Media

Latest posts

Top
Thank you for visiting TamilBrahmins.com

You seem to have an Ad Blocker on.

We depend on advertising to keep our content free for you. Please consider whitelisting us in your ad blocker so that we can continue to provide the content you have come here to enjoy.

Alternatively, consider upgrading your account to enjoy an ad-free experience along with numerous other benefits. To upgrade your account, please visit the account upgrades page

You can also donate financially if you can. Please Click Here on how you can do that.

I've Disabled AdBlock    No Thanks