• If you are using hotmail, outlook, live or rediffmail email and are trying to register or have registered with the website, please read this post.
  • Welcome to Tamil Brahmins forums.

    You are currently viewing our boards as a guest which gives you limited access to view most discussions and access our other features. By joining our Free Brahmin Community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

    If you have any problems with the registration process or your account login, please contact contact us.

எண்ண அலைகள்....

Raji Ram

Gold Member
Gold Member
இதோ, ஒரு எழுச்சிப் பாடல்!

புதிய வானம் . . . புதிய பூமி . . .

புதிய வானம் புதிய பூமி எங்கும்
தூய்மை தெரிகிறது - வைரஸ்
போகையிலே அதை வழி அனுப்ப இந்த
உலகே விழைகிறது
ஒஹோ ஹோஹோ ஹோ

உதய சூரியனின் பார்வையிலே
உலகம் விழித்துக் கொண்ட வேளையிலே
அழகிய இமயம் நூறு கல் தொலைவில்
அழகாய்த் தெரிகிறது - அன்று
அன்னை பாரதம் தூய்மையாய்த் திகழ்ந்த
காலம் தெரிகிறது அந்தக்
காலம் தெரிகிறது
ஓ . . . . ஓ லால்ல லா. லா . லா

பிள்ளைக் கூட்டங்களை வீட்டினிலே
அள்ளி அடைக்கும் இந்த நாளினிலே
பிள்ளைகள் எல்லாம் நலம் பெறுவார்
என்ற நம்பிக்கை பிறக்கின்றது - இவர்
வரவேண்டும் புகழ் பெறவேண்டும் என்று
ஆசை துளிர்க்கிறது என்று
ஆசை துளிர்க்கிறது
ஓ . . . . ஓ லால்ல லா. லா . லா

எந்த நாடு என்ற கேள்வியில்லை
எந்த ஜாதி என்ற பேதமில்லை
மனிதர்கள் அன்பின் வழி தேடி
இனி இயற்கையை வணங்கிடுவார் - மலை
உயர்ந்தது போல் தம் மனம் உயர்ந்து இவர்
வாழ்வில் சிறந்திடுவார் இவர்

வாழ்வில் சிறந்திடுவார்
ஓ . . . .ஓ லால்ல லா. லா . லா
ஓ . . . .ஓ லால்ல லா. லா. லா
 

Raji Ram

Gold Member
Gold Member
............. ந முதல் நோ வரை .............

நல்லவை நெஞ்சில் நினைப்போம்!

நாட்டு நலனை மதிப்போம்!

நித்தம் இறையைத் துதிப்போம்!

நீங்கா பக்தி கொள்வோம்!

நுண்ணுயிர் பற்றி அறிவோம்!

நூதன வழிகள் காண்போம்!

நெற்றியில் சின்னம் இடுவோம்!

நேர்மை வழியில் நடப்போம்!

நைய மென்று உண்போம்!

நொறுக்குத் தீனி தவிர்ப்போம்!

நோன்புகள் சிற்சில நோற்போம்!

வாழ்க நலமுடன்!
 

Raji Ram

Gold Member
Gold Member
புதிய மாற்றங்கள்!

செலவுக் கணக்கு:

விடியற்காலை பால் பாக்கெட் சோப்பு போட்டுக் குளிக்கும்.
(சோப்)

காய், கனி வகைகள் பக்கெட் நீரில் நீந்தி, உப்பு - மஞ்சள் நீரில்
மூழ்கிய பின், உலர்ந்து, குளிர் சாதனப் பெட்டியை அடையும்.
(உப்பு, மஞ்சள் தூள்)

''இம்யூனிடி பூஸ்டர்'' என்று சில, பல பொடிகள் விற்பனையாகும்!
(கஷாயம் செய்ய காஸ்)

ஸரஸ்வதி தேவி ஆகிய பேப்பர்களும், லக்ஷ்மி தேவி ஆகிய
ரூபாய்த் தாள்களும் இஸ்திரிப் பெட்டியின் அடியில் சூடாகும்.
(மின்சாரம்)

கணினி, கைப்பேசி அழைப்புகளிலே சந்திப்புகள் நிகழும்
(இண்டர்நெட்)

பேசுக் காற்றை அவரவர் மூக்கில் முகக் கவசம் திருப்புவதால்,
எல்லோரும் நன்கு பல் துலக்க வேண்டும்!
(மவுத் வாஷ்?)

மேட்சிங் முகக் கவசங்கள் நாடப்படும்.

செலவு இல்லாக் கணக்கு:

யாருக்கும் வீட்டினுள் அனுமதி இல்லை - வேலையாட்கள் தவிர!
(டீ, காபி, நெறுக்குத் தீனி குறைவு)

விருந்துக்கு யாரும் அழைப்பதில்லை; நாமும் அழைப்பதில்லை!
(மளிகை சாமான்கள்)

பகட்டான உடைகள் அலமாரியுள் முடங்கிக் கிடக்கும்.
பள்ளி, அலுவலக உடைகளை இஸ்திரி செய்ய வேண்டாம்.
(இஸ்திரிக்காரன் செலவு)

பெண்களின் அழகு சாதனங்களுக்கு வேலை குறையும்.

கல்யாணங்கள் வலைத்தள ஒளிபரப்பாவது பெருகும்.
(பெட்ரோல்/ டாக்ஸி)

சமூக இடைவெளி:

ஒருவருக்கு ஒருவர் பரஸ்பரம் தீட்டாகி, எட்டி நிற்பார்கள்!

கண்களையும் உருவத்தையும் வைத்து யாரென அறியணும்!
 

Raji Ram

Gold Member
Gold Member

சிக்கனக் கல்யாணம்!

ஊரடங்குக் காலத்திலே சுப முகூர்த்த நாளினிலே,
ஊர் மெச்ச நடந்திடுமே சிக்கனக் கல்யாணம்.

விருந்துக்கு ஐம்பது பேர் மட்டுமே இருப்பதால்,
விருந்தோம்பல் செய்வதிலே வில்லங்கம் இல்லை.

வலைத்தளத்தில் ஒளி பரப்பைக் காணும் சுற்றம்,
இலை வழியச் சாப்பாட்டைக் கேட்காது அன்று!

ஆசிகள் அலைபேசி வழியாக வந்து நிறையும்;
ஓசியில் சாப்பிட வரும் கூட்டமும் குறையும்.

பொய்யான சிரிப்புடனே மேடையிலே நின்று,
மொய்ப் பணத்தை வாங்கி வைக்கும் வேலையில்லை இன்று!

வீணான ஆடம்பரச் செலவுகளும் குறையும்;
வீணாகக் கடன் வாங்கிப் படும் தொல்லை குறையும்.

சேமித்த செல்வத்தை மணமக்கள் பெற்றால்,
சேர்ந்து வாழும் இல்வாழ்வு சிறந்திடுமே அன்றோ?

பீதியைக் கிளப்பிடும் இச் சிறு கிருமி கூட,
போதித்ததோ நமக்குச் சில நல்வழிகளைக் கூட?

வாழ்க நலமுடன்!
 

Raji Ram

Gold Member
Gold Member
விஞ்ஞானத்தை மதியுங்கள்!

நேற்று ஒரு மருத்துவர் கூறிய உண்மையான
கூற்று ஒன்றைக் கேட்டேன், மனம் வருந்தி!

உலகை வாட்டும் புதிய அந்த வைரஸ் கிருமி,
உடலை வாட்டும் முகக்கவசம் இல்லையெனில்!

கையுறை மட்டும் அணிந்து பயனில்லை!
மெய்யைக் காப்பது முகக்கவசம் மட்டுமே!

எத்தனையோ நாட்கள் விஞ்ஞானிகள் உரைத்தது!
அத்தனையும் மறந்ததால், வந்தது பெரிய சோகம்!

அரை நூற்றாண்டுக்கு மேல், வானம்பாடியாய்,
குறை ஏதுமின்றிப் பாடி மகிழ்வித்த அரியவன்!

அவன் வயதைக் கருதாது, அழைப்பு விடுத்து,
அவன் இன்னுயிரை மாய்க்கச் செய்தனர், ஏன்?

ஐம்பது ஆண்டுகள் உலகை மகிழ்வித்தவன்,
ஐம்பது நாட்கள் உபாதைகள் அனுபவித்தான்!

விஞ்ஞானத்தை மதித்து நடந்திருந்தால்,
இஞ்ஞாலம் அவனை இழந்து இராது அன்றோ!

விஞ்ஞானத்தை மதிப்போம்!
வளமுடன் வாழ்வோம்!


🙏 🙏 🙏
 

Lotusinsanskrit

Active member
A week away to celebrate this thread of completing 10 years. Great. My reply is 2kth
அவன் வயதைக் கருதாது, அழைப்பு விடுத்து,
அவன் இன்னுயிரை
But if you see the video of Mouna ragam Murali programme i think he has volunteered to visit the orchestra and I do not know about the other programme happened somewhere else.
 

tbs

Well-known member
A week away to celebrate this thread of completing 10 years. Great. My reply is 2kth

But if you see the video of Mouna ragam Murali programme i think he has volunteered to visit the orchestra and I do not know about the other programme happened somewhere else.
hi

i saw the video.....but initially many programmes with laksman sruthi orchestra...
 

Raji Ram

Gold Member
Gold Member
விதியின் சதி!

சங்கீத உலகின் ஒரு தாரகை அவள்;
சங்கீதத்தை சாமானியரும் அனுபவிக்க வைத்தவள்!

விஷமக்காரக் கண்ணனை, மாடு மேய்ப்பவனை,
விரிவாகக் கண் முன் கொண்டு நிறுத்தியவள்!

யார் கண் பட்டதோ இன்று வாடுகிறாள்,
சீராட்டி வளர்த்த செல்ல மகளை இழந்து!

தாங்கொணாத் துயரிலிருந்து அவள் மீள,
நாம் வேண்டுவோம் இறைவனை, சக்தி தர!

ஓம் சாந்தி! 🙏
 

Raji Ram

Gold Member
Gold Member

இந்த இணையதளத்தில் .......

இந்த இணையதளத்தில் நான் இணைந்து
இனிதே ஓடிவிட்டன ஈரைந்து ஆண்டுகள்!

இணைந்த நாளோ சிறப்பானது... 10 -10 -10;
இணைத்தவர் என் அன்பான தமக்கையார்!

என் தமிழ் எழுத்துக்களைப் படித்து, ரசித்து,
என் திறமையை வளர்த்தனர் பல நண்பர்கள்!

திருவாளர்கள் ப்ரஹ்மண்யன், குஞ்சுப்பு, நரா,
பேராசிரியர் எம். எஸ். கே, பண்வளன் ஆகிய

நண்பர்கள் முதன்மையானவர்! இன்னும் பலர்
நட்பு மிகப் பாராட்டி வருகின்றார் இன்று வரை!

திருமதி ரேணுகா, நாராயணி, ப்ரசாத், கணேஷ்,
டி. வி. கே, டி. பி. எஸ், ரவி, வாக்மி, நய்னாமார்பஸ்,

நன்னிலம் பாலசுப்ரமண்யம், ஆனந்த் மனோஹர்;
நல்ல நண்பர் பட்டியல் மிகவும் நீளமானது! நிஜம்!

நேரில் சந்திக்க நான் அழைத்ததும், மறுக்காமல்
நேரில் சந்தித்து என்னை கௌரவித்தனர் பலர்!

ஆனந்த் மனேஹரின் துணைவி மீரா, எங்களை
ஆர்வத்துடன் அழைத்து நல்ல விருந்து அளித்தார்!

இனிதே எண்ணிடப் பல நல்ல நினைவுகள் உண்டு;
இனிய இந்தச் சூழலிலே, தொடரட்டும் நல்ல நட்பு!

வாழ்க வளமுடன்; நலமுடன்!

நட்புடன்,

ராஜி ராம் 🙏
 

tbs

Well-known member
hi

வாழ்க்கை என்கிற சக்கிரம் .....நிற்காமல் சுற்ற வேண்டும்.....படகு தண்ணீரில் செல்ல வேண்டும்....நின்று விட

கூடாது......உங்கள் சேவை.....எங்களுக்கு தேவை....
 

Raji Ram

Gold Member
Gold Member
காணொளி அரட்டை!

சந்திக்கும் நாளை மனம் எதிர் நோக்கும்.

சந்திக்கும் முன் நல்லுடை உடுத்த வைக்கும்!

சந்திக்கும் வேளை மனம் குதூகலிக்கும்.

சந்தித்த பின் மனம் நிறைவாகும்! 😇
 

Raji Ram

Gold Member
Gold Member
நிம்மதியான நவராத்திரி.

ஊரடங்கு ஓய்ந்தாலும், கொரோனா ஓயவில்லை;
ஊர் சுற்ற விழைந்தாலும், பயமும் விடவில்லை!

அவரவர் வீட்டில் தினமும் பூஜை நடக்கிறது;
அவரவர் செய்த சுண்டல் மாலையில் கிடைக்கிறது!

கைப்பேசி மூலமாகத் தாம்பூலம் வருகிறது;
கைச் செலவு இல்லாமல் நட்பும் தொடர்கிறது!

மொத்தமாகத் தேங்காய் வாங்கி வைத்து,
எத்தனை கெடுமோ என மனக் கிலேசம் கிடையாது!

அலமாரியை ரவிக்கைத் துணிகள் நிறைக்காது;
அலுங்காமல் அடுத்தவருக்குச் சுற்றுலாச் செல்லாது!

வீட்டை விட்டு வெளியே செல்ல இயலாது;
ஆட்டோ, டாக்சி செலவுகள் கிடையாது!

காணொளிக் காட்சியைக் கைப்பேசியில் இட்டால்,
கானம் செல்கிறது நண்பரின் வீட்டுக்கு!

நவராத்திரி நகர்கிறது அம்பாளின் அருளோடு;
நல்லாசி கிடைக்கிறது எல்லோருக்கும் அன்போடு!

வாழ்க வளமுடன், நலமுடன்!
ராஜி ராம்
25 - 10 - 2020
 

tbs

Well-known member
hi

HAPPY NAVARATHRI....
இந்த ஆண்டு கொரோன வோட பழகி நவராத்ரி முடிந்து விட்டது .....தீபாவளியும் செலவு இல்லாமல் இந்த

காரோண காலத்தில் நன்றாக முடிந்து விடும்....
..வாழ்க வளமுடன், நலமுடன்!
 

tbs

Well-known member
hi
இனிமேல் வாழ்க்கை என்பது.....skype /zoom .....டிஜிட்டல் வாழ்க்கை முறை கற்று கொள்ள வேண்டும்...

இது corona கற்று தந்த பாடம்...
 

Raji Ram

Gold Member
Gold Member
ஐயா! தீபாவளி செலவு இல்லையா? யார் சொன்னது? அவரவர் ஆன்லைனில் வாங்கித் தள்ளுகிறார்!
 

tbs

Well-known member
ஐயா! தீபாவளி செலவு இல்லையா? யார் சொன்னது? அவரவர் ஆன்லைனில் வாங்கித் தள்ளுகிறார்!
hi
தேவை இல்லாமல் பட்டாசு செலவு இருக்காது என்று நினைக்கறேன்...
 
Top
  Thank you for visiting TamilBrahmins.com

You seem to have an Ad Blocker on.

We depend on advertising to keep our content free for you. Please consider whitelisting us in your ad blocker so that we can continue to provide the content you have come here to enjoy.

Alternatively, consider upgrading your account to enjoy an ad-free experience along with numerous other benefits. To upgrade your account, please visit the account upgrades page

You can also donate financially if you can. Please Click Here on how you can do that.