• Welcome to Tamil Brahmins forums.

    You are currently viewing our boards as a guest which gives you limited access to view most discussions and access our other features. By joining our Free Brahmin Community you will have access to post topics, communicate privately with other members (PM), respond to polls, upload content and access many other special features. Registration is fast, simple and absolutely free so please, join our community today!

    If you have any problems with the registration process or your account login, please contact contact us.

எண்ண அலைகள்....

Raji Ram

Well-known member

வாழ்வே மாயம்!


ஐம்பத்தி நான்கு வயதிலே வலம் வந்தார்,
ஐம்பது வருடங்கள் திரையுலகில், ஸ்ரீதேவி.

சுட்டிக் குழந்தையிலிருந்து கனவுக் கன்னியாகி,
எட்டினார் சிகரத்தைப் பல மொழிகளில் நடித்து.

தக்க வேடங்கள் ஏற்று, இளமை கடந்த பின்னும்
தக்க வைத்தார் ரசிகரின் இதயங்களில், இடத்தை!

அழகு, பணம், புகழ், அந்தஸ்து என்ன இருப்பினும்,
அறியார் எவரும் என்று உயிர் துறப்போம் என்று!

காலன் இவர் உயிர் பறித்தது மிகவும் கொடுமை.
காலத்தை வென்று இவர் புகழிருக்கும், உண்மை!

அழகு தேவதையாய், பலரின் நெஞ்சில் நிலைத்த
அன்னாரின் ஆன்மா சாந்தி பெற வேண்டுவோம்!

:pray: ..... :rip:
 

Raji Ram

Well-known member
எங்கள் ஊர்க் கலைஞர் !?!

ஆலையில்லா ஊருக்கு இலுப்பைப் பூ சர்க்கரை!
ஆனைமலையில் அது நன்கு நிரூபணம் ஆனது!

நாதஸ்வரம் இசைக்க நல்ல கலைஞர் இல்லை;
நானே சிறந்தவன் எனக் கிளம்பிவிட்டார் ஒருவர்!

பற்பல வண்ண ஆடைகளில் அவர் தோன்றினும்,
பற்பல ராகங்களை அறிந்திலார்; அறிந்தது தோடி!

எண்ணற்ற அபஸ்வரக் களஞ்சியமா
கிவிடும் தோடி,
வண்ண உடை எதை அவர் அணிந்தோடி வந்தாலும்!

:dizzy: ...... :faint2:
 

Raji Ram

Well-known member
'விளம்பி' பிறக்கின்றது நாளை!
விளம்புவதோ நற் பலன்களை!

தினமும் மகிழ்ச்சி மலரட்டும்!
வளமும், அன்பும் தொடரட்டும்!

வாழ்க வளமுடன்!
ட்புடன், ராஜி ராம்
 

Raji Ram

Well-known member
என்ன நடக்கிறது?

நம்மைச் சுற்றி என்ன நடக்கிறது என்று
நம்மில் பலருக்கும் அறிந்திடவே ஆர்வம்!

புதிய டெக்னாலஜி அளிக்கின்றது, பற்பல
புதிய வழித் தொடர்புகளை, மிக எளிதாக!

ஆயினும், நாம் படிக்கிறது நிஜமா என்பதை
ஆராய்ந்து அறிவோர் மிகச் சிலரே ஆவார்!

எவ் விஷயம் பகிர்வில் வந்தாலும், உடனே
அவ் விஷயம் பரவுகிறது விஷம் போலவே!

கிரா!ஃபிக்ஸ் மூலம் உருவானவற்றையும்
கிளப்பி அனுப்புகின்றார் நிஜம் போலவே!

என்று தவறான விஷயங்களைப் பரப்புவது
நின்று போகுமோ என மனம் ஏங்குகின்றது!
 

Raji Ram

Well-known member
வீசை என்ன விலை? :becky:

இசை நிகழ்ச்சியைப் பதிவு செய்ய அறிந்து
ம்,
'இசை வீசை என்ன விலை?' எனக் கேட்கும்

அதிகாரி இருக்கையிலே இருந்துவிட்டால்??
சதிதான் செய்வார், ஒளிபரப்பின் பொழுதில்!

வீணைக் கச்சேரி இன்று காலை நேரத்தில்;
கலைவாணியின் புகழ் பாடித் துவங்கணும்!

ஆனால், கச்சேரி துவங்கியதும், சிறந்த ராக
ஆலாபனையுடன் க்ருதி; தனி ஆவர்த்தனம்!

இனிமையான சில துக்கடாக்கள் அதன் பின்!
இரண்டாம் பகுதியில் கலைவாணிப் பாடல்!

ஒரு கச்சேரி எப்படித் தயாராகும் என்றறியாத
ஒரு அதிகாரியின் வேலையே என்றறிந்தேன்!

அரங்க இசை இரு பகுதிகளாகப் பதிவு ஆனது;
இரண்டாவது பகுதி முதற் பகுதி ஆகிவிட்டது!

'சமுகத்தின் மகிழ்ச்சி' இச் சானல் எனத் தினம்
சலிக்காது சொன்னால் மட்டும் மகிழ்ச்சி வருமா?

dejection.png
dejection.png
dejection.png
 

Raji Ram

Well-known member
ஆமை புகுந்த வீடு?!?

'ஆமை புகுந்த வீடு உருப்படாது' என்பது
ஆமையைப் பழித்திடும் இழிந்த செயலே!

நீரிலும், நிலத்திலும் வாழும் இந்த ஜீவன்
வீட்டினுள் வந்தால் தீங்கு வருமா நமக்கு?

சரியாகப் புரியாமல், பழமொழிகளை மாற்றி,
அறியாமையைப் பிரகடனம் செய்கின்றோம்!

திருமாலின் திரு அவதாரங்களில் - அழகாக
வருகிறதே ஆமை வடிவம், இரண்டாவதாக!


நிஜமான பழமொழி உருமாறியதும் நிஜமே;

நிஜமான பழமொழியை அறிவோம் இன்றே!

காளான் பெருகும் ஈரப் பதத்திலும், மற்றும்
உளுத்துப் போய்விட்ட மரப் பொருட்களிலும்!

நல்ல சூரிய ஒளியும், நல்ல காற்றோட்டமும்

நன்கு இல்லையேல், எளிதில் பரவும்
, காளான்!

உடல் நலம் கெடுத்து, இல்லத்தில் உள்ளோரின்

உயிரையும் எடுத்துவிடும், அகால மரணத்தால்!

செந்தமிழ் குறிப்பிடும் காளானை 'ஆம்பி'யென்று.
இந்த ஆம்பி இல்லத்தில் புகுந்தால் கேடு வருமே?

'ஆம்பி புகுதல் கேடு தரும்', என்பதைத் தெரிவிக்க,
'ஆம்பி புகுந்த வீடு உருப்படாது' என்றனர், அன்றே!

'ஆம்பி பூத்த' என்பதுதான் 'ஆமி பூத்த'; 'ஆமெ பூத்த';
'ஆமெ பூந்த'; '
ஆமை புகுந்த' என உருக்குலைந்தது!

ஆதவனின் ஒளியும், நல்ல வளியும் எளிதிலே வர
ஆக்குவோம் நம் இனிய இல்லங்களை! அத்துடன்,

அறியாமை, கல்லாமை என்ற ஆமைகளை ஒழித்து,
அறிவோம் ஆமைகளை என்றென்றும் காத்திடவே!

வாழ்க வளமுடன்!
 

Raji Ram

Well-known member
மேற் காணும் புதுக் கவிதை, இணையதள நண்பர் திரு. சுப்ரமணியன் அவர்கள் அனுப்பிய

செய்தியிலிருந்து தோன்றியது! அவருக்கு நன்றி. :)

அவரின் இணையதளப் பெயர் 'naithru'.
 

Raji Ram

Well-known member
ஆத்திக நாத்திகர்கள்!

கடவுள் இல்லையெனப் பறைசாற்றுவார் - தாம்
கடவுளை வணங்குவது மனைவிக்காக என்பார்!

மூட நம்பிக்கையை உடைத்து எறி என்பார் - தமது
மூட நம்பிக்கைகள் தம் துணைவியாலே என்பார்!

ஊருக்கு உபதேசம் செய்வது எளிதே! என்றும் தமது
பேருக்குக் களங்கம் வராதிருக்க மனைவி உண்டே!

மறதி ஒரு வசதி! மக்களின் மறதிதான் மூலதனம்!
இறுதிவரை 'இது'
ஏற்றமுடன் வாழ வைத்துவிடும்!

:hail:
 
அருமையான வரிகள்! பல பேர் நேரத்தை வடிவேலு மேமேயிலும், நக்கல் மற்றும் நய்யாண்டியில் போக்கி வரும் காலம்! இன்றுள்ள online வசதிகள் யாரும், எதையும், எங்கேயும், எப்போதும் கற்க வாய்ப்பு அளிக்கிறது. நீங்கள் சொல்வது போல கற்க வேண்டும்! உங்கள் கருத்துக்கு நன்றி!!
 
தைத் திருநாள்...

புதிய ஆங்கில ஆண்டுத் துவக்கத்தில்,
இனிய பொங்கலுடன் கரும்பும் வைத்து,

உலகு சிறக்க ஒளியும், சக்தியும் அளித்து
உலவும் சூரிய தேவனை வழிபட்டு - தம்

சுற்றம், நட்பு அனைவரிடமும் உரையாட,
உற்ற வாழ்த்துச் செய்திகளைப் பரிமாற,

நிறைந்த நாளாக வந்த பொங்கல், இன்று!
நிறைவான வளங்களைத் தரட்டும் நன்று!
 

tbs

Well-known member
hi

வாழ்வு என்றும் வாழ்வதற்கு......இனிய தமிழ் திருநாளில் என்றும் கரும்பு போல் வாழ்க்கையும் இனித்திட
எல்லாம் வல்ல இறைவனை வேண்டி இந்த புத்தாண்டை கொண்டாடுவோம்....வாழ்க வளமுடன்..
 
Top