Tamil Brahmins
Our website is made possible by displaying online advertisements to our visitors.
Please consider supporting us by disabling your ad blocker.
Alternatively, consider donating to keep the site up. Donations are accepted via PayPal & via NEFT. Details on how to donate can be found at here
Page 790 of 790 FirstFirst ... 290690740780786787788789790
Results 7,891 to 7,895 of 7895
  1. #7891
    Join Date
    Sep 2010
    Location
    Coimbatore, India
    Posts
    65,044
    Downloads
    0
    Uploads
    0

    0 Not allowed!
    திருமந்திரம் -ஆறாம் தந்திரம்

    #1636 to #1638

    #1636. கண்டேன் சிவகதி


    கூடித் தவம் செய்து கண்டேன் குரைகழல்
    தேடித் தவம் செய்து கண்டேன் சிவகதி
    வாடித் தவம் செய்வதே தவம் இவை களைந்து
    ஊடில் பல உலகோர் ஒத்தவரே
    .


    இறை அருளுடன் கூடி நிற்கும் தவம் செய்து ஒலி வடிவான சிவனைக் கண்டு கொண்டேன். இங்கனம் நீண்ட காலம் தவம் செய்து சிவகதி அடைந்தேன். ஐம் பொறிகளையும் அடக்கிச் செய்யும் அருந் தவமே மெய்த் தவம். இதை விட்டு விட்டு மாறுபட்ட வழிகளில் தவம் செய்பவர்கள் எத்தகைய தவத்தைச் செய்தவர் ஆவார்?


    #1637. தவத்தவரைச் சார்ந்தால் சிவத்தைக் காணலாம்


    மனத்து உறை மாகடல் ஏழும் கைநீந்தித்
    தவத்திடை யாளர் தம் சார்வத்து வந்தார்
    பவத்திடையாகார் அவர் பணி கேட்கின்
    முகத்து இடை நந்தியை முந்தலும் ஆமே.


    மனத்தில் ஆணவத்தின் செயலான ஏழு குற்றங்கள் உள்ளன. அந்த ஏழையும் நீந்திக் கடந்த பின்பு ஒருவர் நல்ல தவம் செய்தவரைச் சார வேண்டும். அவரோடு இணங்கி இருப்பவருக்கு மீண்டும் பிறவி என்பது இராது. தவத்தவரின் இவள படி நடப்பவருக்குச் சிவனைத் தன் முகத்தின் முன்னே காணும் நற்பேறும் கிடைக்கும்.


    #1638. சிவ ஒளி சீவ ஒளி யாகும்.


    மனத்திடை நின்ற மதிவாள் உருவி
    இனத்திடை நீக்கி இரண்டு அற ஈர்த்துப்
    புனத்திடை அஞ்சும் போகாமல் மறித்தால்
    தவத்திடை ஆறு ஒளி தன்ஒளி ஆமே.


    உள்ளம் என்னும் உறைக்குள் ஒளிந்திருக்கும் ஞான வாளை உருவ வேண்டும். உலகத் தொடர்பையும், மன மலங்களையும் அறுக்க வேண்டும். சீவன் வேறுபாடுகள் இன்றிச் சிவத்துடன் ஒன்றாகிப் பொருந்த வேண்டும். பொறிகளைப் புலன்களின் வழியே போகாமல் தடுத்து நிறுத்த வேண்டும். இத்தகைய தவத்தில் வெளிப்படும் சிவ ஒளியே சீவ ஒளியாகும்.





  2. #7892
    Join Date
    Sep 2010
    Location
    Coimbatore, India
    Posts
    65,044
    Downloads
    0
    Uploads
    0

    0 Not allowed!
    திருமந்திரம் -ஆறாம் தந்திரம்

    #1639 to #1641

    #1639. சிவத்தை சிந்தையில் வைப்பதே தவம்

    ஒத்து மிகவுநின் றானை உரைப்பது
    பக்தி கொடுக்கும் பணிந்தடி யார்தொழ
    முத்தி கொடுக்கும் முனிவன் எனும்பதம்
    சத்தான செய்வதுந் தான்தவந் தானே.


    சிவனுடன் பொருந்தி நிற்கும் சிவனை உணர்வது அவன் மீது பக்தியைத் தரும். சிவனடியார்களைத் தொழுவது உயர்ந்த முக்தியைத் தரும். உலகை வெறுப்பவன் ஒரு முனிவன்! என்ற சொல்லை மெய்யாக்கும் வண்ணம் செய்வதே உயர்ந்த தவம் ஆகும்.

    #1640. தவம் சந்திரகலையைத் தோற்றுவிக்கும்

    இல்லை தொட்டு, பூப் பறித்து, எந்தைக்கு என்று எண்ணி
    மலர் தொட்டுக் கண்டேன், வரும் புலன் காணேன்
    தலை தொட்ட நூல் கண்டு தாழ்ந்தது என் உள்ளம்
    தலை தொட்டுக் கண்டேன் தவம் கண்ட வாறே.

    இலைகளைப் பறித்தும் , மலர்களைக் கொய்தும் இறைவனுக்கு மாலைகள் தொடுத்தேன். ஆனால் தலையில் வான் கங்கையாகிய சந்திர கலையின் ஒளியைக் காண முடியவில்லை .மூலாதாரத்திலிருந்து தலை வரை செல்லும் சுழுமுனை நாடியைக் கண்டேன் அதனால் என் உள்ளம் அடங்கி ஒடுங்கியது. அந்தத் தவம் தலையில் சந்திர கலையை விகசிக்கச் செய்தது.

    #1641. இடர் வராது ஈசன் காப்பான்

    படர்சடை மாதவம் பற்றிய பக்தருக்கு
    இடர்அடையா வண்ணம் ஈசன் அருளும்
    இடர்அடை செய்தவர் மெய்த்தவம் நோக்கில்
    உடர்அடை செய்வதுஒரு மனத் தாமே.

    படர் சடையானை மாதவத்தில் பற்றிக் கொண்ட உண்மை அன்பர்களுக்குத் துன்பம் நேராத வண்ணம் ஈசன் காப்பான். இங்கனம் துன்பம் நேராத வண்ணம் ஈசன் காக்கும்படித் தவம் செய்தவர் செய்த தவத்தை ஆராய்ந்தால், அவருக்குக் கிடைத்த பெருமை எல்லாம் அவர் மனத்தின் ஒருமைப் பாட்டினால் என்ற உண்மை விளங்கும்
  3. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  4. #7893
    Join Date
    Sep 2010
    Location
    Coimbatore, India
    Posts
    65,044
    Downloads
    0
    Uploads
    0

    0 Not allowed!
    #1642 to #1644


    #1642. சோற்றுக்கு நின்று சுழல்வர்

    ஆற்றிற் கிடந்த முதலை கண்டஞ்சிப் போய்
    ஈற்றுக் கரடிக் கெதிர்ப்பட்ட தன்னொக்கும்
    நோற்றுத் தவம் செய்யார் நூலறியாதவர்
    சோற்றுக்கு நின்று சுழல்கின்ற வாறே.


    நூலைக் கற்று அறியாது , சிறந்த தவம் செய்யாமல், எப்போதும் வயிற்ருக்கு உணவு தேடி அலைவது ஆற்றில் உள்ள முதலைக்கு அஞ்சி, அண்மையில் குட்டியை ஈன்ற தாய்க் கரடியிடம் சென்று வருந்துவதைப் போன்றது ஆகும்.

    #1643. மூச்சின் இயக்கம்

    பழுக்கின்ற வாறும் பழம் உண்ணு மாறும்
    குழக்கன்று துள்ளி அக்கோணியைப் பல்கால்
    குழக்கன்று கொட்டிலில் கட்ட வல்லார்க்கு உள்
    இழுக்காது நெஞ்சத்து இட, ஒன்று மாமே.


    உயிர் மூச்சு சீவனின் உடலில் உலவுகின்ற போது, அது சிவக்கனியைப் பழுக்கச் செய்யும். சீவன் அதனை உண்ணச் செய்யும். ஆனால் உயிர் மூச்சைச் சுழு முனையில் அடக்கும் பொழுது மூச்சு இயங்குவது நின்று நின்று விடும். மேல் நோக்கியுள்ள சகசிர தளத்தில் மனம் அடங்கும் பொழுது மூச்சின் இயக்கமும் நின்றுவிடும்.

    #1644. சித்தம் சிவமாவது தவம்

    சித்தம் சிவமாகச் செய்தவம் வேண்டாவால்
    சித்தம் சிவானந்தம் சேர் ந்தோர் அற உண்டால்,
    சித்தம் சிவமாக வேசித்தி முத்தியாம்
    சித்தம் சிவமாதல் செய்தவப் பேறே.


    இடையறாது சிவனை நினைந்து நினைந்து தன் சித்தத்தையே சிவமயம் ஆக்கி விட்ட ஒருவருக்குச் செய்ய வேண்டிய தவம் என்று எதுவும் இல்லை. சித்தம் சிவமயமான ஒருவரைச் சார்ந்த மற்றவர்களுக்கும் சித்தம் சிவ மயமாகி விடும். அத்துடன் அவர்களுக்குச் சித்தியும் முத்தியும் உண்டாகும். இங்ஙனம் சித்தம் சிவமயமாவது ஒருவர் முன்பு செய்த தவப் பயனால் மட்டுமே விளையும்.


    Last edited by Visalakshi Ramani; 16-12-2018 at 11:20 AM.
  5. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  6. #7894
    Join Date
    Sep 2010
    Location
    Coimbatore, India
    Posts
    65,044
    Downloads
    0
    Uploads
    0

    0 Not allowed!
    திருமந்திரம் -ஆறாம் தந்திரம்

    7. அருளுடைமையின் ஞானம் பெறுதல்

    7. அருளுடைமையின் ஞானம் பெறுதல்

    அருள் = நாதம் விந்து ஆகிய திருவடி.
    நாத விந்துவான திருவடி பொருந்தியபோது ஞானம் பெறுவது.


    #1645 to #1647
    #1645. பிரானிடம் அனைத்தும் அமையும்

    பிரானருள் உண்டெனில் உண்டு நற் செல்வம்
    பிரானருள் உண்டெனில் உண்டு நன் ஞானம்
    பிரானருளிற் பெருந் தன்மையும் உண்டு
    பிரானரு ளில்பெருந் தெய்வமு மாமே.


    சிவன் அருள் உண்டானால் ஒருவருக்குக் கிடைப்பவை எவை எவை?
    நல்ல செல்வம், நல்ல ஞானம், பெருந்தன்மை என்பவை அவரிடம் பொருந்தி அவர் ஒரு பெருந் தெய்வம் போல ஆகிவிடுவார்.

    #1646. தமிழ் மண்டலம் ஐந்து

    தமிழ் மண்டலம் ஐந்தும் தாவிய ஞானம்
    உமிழ்வது போல உலகம் திரிவர்
    அவிழும் மனமும் எம் ஆதி அறிவும்
    தமிழ் மண்டலம் ஐந்தும் தத்துவமே

    தமிழ் மண்டலம் ஐந்து என்பது தமிழ், மலையாளம், கன்னம், தெலுங்கு, துளுவு என்னும் ஐந்து மொழிகள் பேசப்படும் நாடுகளின் தொகுப்பு. தமிழ் மண்டலத்தில் உள்ள புண்ணிய தலங்களுக்குச் சென்று வணங்கினால் தமக்குள் மறைந்துள்ள ஞானம் வெளிப்படும் என்று எண்ணி பலர் அங்கெல்லாம் சுற்றித் திரிவர். ஒப்பற்ற இறைவனாகிய ஒரு சிவமே பல சக்திகளாக விளங்கும் உண்மையை ஞானியர் அறிவார். அதனால் அவர்கள் தல யாத்திரைகள் செல்லாமலேயே தாம் இருக்கும் இடத்தில் இருந்து வழிபட்டுப் பெரும் பயனைப் பெறுவார்.

    #1647. வினைகளை வேரோடு அறுக்க வேண்டும்

    புண்ணிய பாவம் இரண்டு உள பூமியில்
    நண்ணும் பொழுது அறிவார் சில ஞானிகள்
    எண்ணி இரண்டையும் வேர் அறுத்துப் அப்புறுத்து
    அண்ணல் இருப்பிடம் ஆய்ந்து கொள்ளீரே


    புண்ணியம், பாவம் என்று இரண்டு செயல்கள் உள்ளன. அவை நாம் செய்யும் வினைகளுக்கு ஏற்ப இன்பம் துன்பம் என்று உருவெடுத்து மீண்டும் நம்மிடம் வந்து பொருந்து கின்றன. இந்த இரண்டையுமே விலக்கிவிட உள்ள ஒரே வழி வினைகளை வேருடன் அறுத்துத் தள்ளுவதே ஆகும். இதைச் செய்த பின்பு அண்ணல் ஆகிய சிவனை நன்கு ஆராய்ந்து அறிந்து கொள்வீர்!
  7. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.
  8. #7895
    Join Date
    Sep 2010
    Location
    Coimbatore, India
    Posts
    65,044
    Downloads
    0
    Uploads
    0

    0 Not allowed!
    திருமந்திரம் -ஆறாம் தந்திரம்

    #1648 to #1650

    #1648. முன்னும் பின்னும் நின்று உதவுவான்


    முன் நின்று அருளும் முடிகின்ற காலத்து
    நன் நின்று உலகில் நடுவுயிராய் நிற்கும்
    பின் நின்று அருளும் பிறவியை நீக்கிடும்
    முன் நின்று எனக்கொரு முத்தி தந்தானே.


    வினைகள் முடிகின்ற காலத்தில் சிவன் சீவனின் முன் தோன்றி வீடு பேற்றை அளிப்பான். அந்த நிலை வருவதற்கு முன்பு சிவன் உயிரில் உயிராக இருந்து கொண்டு, சீவனை வினைப் பயன்களை அனுபவிக்கச் செய்வான். சிவன் மறைந்து இருந்து சீவனுக்கு அருள் செய்துப் பிறவியை நீக்குவான். இங்கனம் முன்னும் பின்னும் இருந்து சீவனுக்கு நலம் தருபவன் சிவன்.


    #1649. சிவலோகம் கிடைக்கும்


    சிவனரு ளாற் சிலர் தேவரு மாவார்
    சிவனரு ளாற்சில தெய்வத்தோ டொப்பர்
    சிவனரு ளால்வினை சேரகி லாமை
    சிவனருள் கூறில் அச்சிவலோக மாமே.


    சிவனருள் கிடைப்பதனால் ஒருவருக்கு அதனால் மேலும் கிடைப்பவை எவை எவை? சிவனிடம் அன்பு கொண்டவர்களில் சிவர் தேவ வடிவம் பெறுவார். சிலர் தெய்வத் தன்மை பெறுவார். சிவன் அருளால் அவர்களை வினைகள் வந்து பற்றா. இந்த மூன்று அன்பர்களுமே சிவலோகம் பெறுவார்.


    #1650. ஞானியராகலாம் வானவராகலாம்


    புண்ணிய னெந்தை புனிதன் இணையடி
    நண்ணி விளக்கென ஞானம் விளைந்தது
    மண்ணவ ராவதும் வானவ ராவதும்
    அண்ணல் இறைவ னருள் பெற்ற போதே.


    சிவன் நாம் செய்த புண்ணியத்தின் பயன் ஆவான். அவன் நம் எல்லோருக்கும் ஒரே தந்தை. அந்தப் புனிதனின் இணையடிகள் என் உள்ளத்தில் பொருந்திய போது விளக்கின் ஒளி போன்று ஞானம் தோன்றியது. சிவன் அருள் பெற்றவர்கள் இவ்வுலகில் இருக்கும் போது ஞானியர் ஆவார். விண்ணுலகில் அவர்கள் தேவ வடிவம் பெறுவார்.




  9. All views expressed by the Members and Moderators here are that of the individuals only and do not reflect the official policy or view of the TamilBrahmins.com Website.
    If you are having a problem with a particular thread or user, please use the "REPORT POST" button beside the offending post to inform us or raise a complaint.

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •